كلشي ماخلو وراهم

[عطري وجودك]

كلشي ماخلو وراهم
دورت ولروح هيمه
البارحه من اشتاگ گلبي
اتسرسحت صوب المكاتيب القديمه
اكسور عودان بدليلي اشيرهملها
اوين احصل ناس تسمع حته اگلها
انه احب بس مدري احبمن
انه ما انام بسببمن
انه باگو ناس مني
الدنيا كلها بعيني غربه
وياهو يتحمل ذنبها
مرورت الكاس الاشربه
بكل درب ذبيت شوفي
وملت العربان مني
خايبين الله واكبر
ليلة الوحشه انه اغني
تردون شوكت طول جفاكم
خضار العافيه مصوفر وراكم
ولوين الخاطر ايشيل
الخواطر مو حماميل
عساها بذمت افلان الخذاكم
وحاسبت روحي
ولگيت الماي خطار الشريعه
وماكو دايم غير وجه الله الچبير
المستعز بيك اليحبك موذنب لمن تبيعه
وعودت روحي اعله كلشي وموتت حته المحنه
ومابقت بس شغله وحده
ذكريات ابراسي تصرخ
احنه وين انريد اهلنه





منقول