كلمات شعر يا صديقة – رنين تبوني

[ابن الانبار]

ياصديقه شلون حبيتي حبيبي بكل صلافه

شلون كلبج طاوعج يالجنت ادلعج يالترافه



بس اسالج فدوه بس كليلي باسج

ايده هاي الجنت احبها هم يخليها على راسج

جنت احضنه كبالج انتي جان يسميني ويصيح انتي مرتي

ياونستي ياضحكتي شلون بس كليلي شلون لو اعرف كدرتي

ياصديقه والله جنت اعتبرتج اختي هسة يلا اتذكرت اسالتج اني من تساليني شيحب ومايحب

من اجاوب كلي ارجف جني ماعندي كلب

واني احجي وعيني تلمع جيت اهلهل من اجاني وبايده جايبلي ورد

جيت اكلج راح اعرس ومني يتمنى ولد ياصديقه راح اكلج شغلة وحدة

ديريبالج لا يخون من يشوفج خنتي اختج لا تضنينه يصون

راح يذكرج صدكي بيه راح يكلج كلشي ماسوت خطيه

كمت اشوفج انتي هوا وكمت اشوفه هوا انتي

هوا خان بكلبي مرة وانتي خنتي هواي خنتي

واني اتفرج عليكم كلها كالتلي ربحتي يالخسرتي

ياصديقه هسه صرتي مو صديقه

وانت يااحلى حبيب يالجنت بيه سوالف من توديني وتجيب

كمت اشبهك بالكمر وكت اليكرب من يغيب

كمت اشوفك دنيا ليل وكلها ضلمه

جنها ابويه من يكولي ماكو قسمه ولانصيب

تدري جنت اسميك الكمر جنت اشبهك بالمطر

وهسه لو تعرف شحسك هسه احسك نار من تجوي ويضل بس الاثر

 

[قيصر الحب]

رد: كلمات شعر يا صديقة – رنين تبوني

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحك

 

[زينة الزينات]

رد: كلمات شعر يا صديقة – رنين تبوني

عاشت الايادي

 

[فتنةة العصر]

رد: كلمات شعر يا صديقة – رنين تبوني

تسلمون وايد يامبدعي فخامة العراق

 

[MS.Shaghaf]

رد: كلمات شعر يا صديقة – رنين تبوني

تسلم الايادي غلاي
ودي