واتلعثم خجل واكبالك اتعثر
واغرك بالسكوت واطفح من الشوك
بدلته الحرف بس والله ما أكدر
ولا يوم بحياتي اذكر خفت إنسان
... بس انته الوحيد المنك اتحذر
وأراقب نظرتك كل لحظة من تفوت
ومن أقره الملامح ضايجه أتأثر
لموعد جيتك اوكف كبل ساعات
وأحجي وي الثواني بجيته أتأخر
وتجاوبني الدقايق لا بعد ساعات
بس انته اصبحت كبل الوكت تحظر
أطوي سنين عمري شما تمر الأيام
جنت هواي احبك هسه صرت أكثر
تخذلني الجرأة شبيها بس وياك
أحمر مره وجهي ومره كله أصفر
بزنزانة صفنتي وياك صار سنين
ومسكينة الشاعر تنكلب محجر
لم بي عله بختك طشراني الشوك
تقبل شيمتك يم بابك اتطشر
باقي أتأملك وأمالي كلهن بيك
وإذا دربك حلم ماعاد بعد أسهر
وماأكلك خلص وهذا حدي وياك
ثابت كلبي بيك ويعده لونه أخضر
روحي اختارتك وأنته شوكت تختار
من قيد السكوت لخاطري أتحرر
حب المن طرف واحد يضوك الويل
وأنه الويل ضكته بحبي الك يسمر
ياعمري شعجب معقوله ماحسيت
حريق القلب صار وناره بس تسعر
حبيبي العمر انته وأنه أفاخر بيك
وصاني القلب بيك أنه أفخر
وكال الكلب لازم ينحسبله حساب
وخلاني عله بيتك حارس وأفتر
دحن وانطق كافي مرمراني الشوك
دنطقها حبيبي ولتخليني اتحير
