الشاعر الرياضي
Well-Known Member
كم بيت ابوذيه ياربى تنال رضاكم
بكثر ماشعرى لجلك لم معانى
احبك وادرى حبك لمعانى
يسلوة كلبى انته لمه اعانى
ودواى انته الوحيد اليشفى اليه
الك سرداب بكليبى ولك خان
وابد مايوم حب غيرك ولك خان
اذا شعرى بتعبيره ولك خان
السبب مو بيه حسنك عم عليه
عزلناك لنفسنا احنا وحشناك
يوردة جورى من غصنك وحشناك
يقاسى شبيك مامره وحشناك
جنت كل لحضه شو تشتاك اليه
حلو حتى بعشرتك من تمرها
وتطيع الروح لامرك من تمرها
الصحارى تصير جنه من تمرها
لان جدمك ربيع اعلا الوطيه
عينى مساهره وعينك جهنم
وكلمن نم الى بشخصك جهنم
جنة الخلد بغيابك جهنم
وجهنم لو معاك الخلد ليه
غيرك مااله بكلبى مكانه
وكلبى انشال صرت انته مكانه
كلبى انى كلب شتضن مكينه
يحب ياهى التجى وتمر عليه
والف شكر الكم يلغوالى