كون بعيونج أنام

[مـــجيـّدالسيــــد]

كون بعيونج أنام
وأغرك بحر الغرام
وينرسم بعيوني فجرج
وينكسر جنح الظلام
كون بعيونج أنام
..............
كون بشفافج أموع
ونتجي حدر الظلوع
أنتهه عصر الدموع
وأبتده عصر الهيام
كون بعيونج أنام
................
كون ميطول السكوت
وبالعجل أسمعله صوت
وكون بحظانه أموت
وأستمع لعذب كلام
كون بعيونج أنام
................
كون نغرك بالعشك
وبالغزل نفشك فشك
صوب أسهامك رشك
ونبت بروحي السهام
كون بعيونج أنام
................
كون نغفه ومانكوم
ونفكس أعيون الغيوم
وتحتفل كل النجوم
وتنتصر شمس الوئام
كون بعيونج أنام
................
بقلمي
مجيد السيد
حصري ل فخامة العراق
24_12_2016
​

 

[تاج النساء]

رد: كون بعيونج أنام

ألله

كلمات واحساس عذب

شلال فرح. يغدق حروفك.

ابدعت يا أنيق

 

[madness man]

رد: كون بعيونج أنام

مبدع دائماً مجيد

كل الشكر لهذا النثر الطيب

 

[فداااء]

رد: كون بعيونج أنام

كون نغرك بالعشك
وبالغزل نفشك فشك
صوب أسهامك رشك
ونبت بروحي السهام
كون بعيونج أنام

وااااو كلمات ولااروع تسلم يدك خيوو
لاعدمنااا هذا الإبداع

 

[نبض الحنين]

رد: كون بعيونج أنام

لي عوده احجز مقعد

 

[‏أعہشہقہ أنہفہاسہكہ]

رد: كون بعيونج أنام

ليس جديد عليك الابداع

سلمتلنا وسلم قلمك

دمت بخير

 

[فتنةة العصر]

رد: كون بعيونج أنام

ماشاء الله تبارك الله
عيني عليك باردة
وربي كلمات صاعقة الجمال
وسامحني وايد التقييم ماينطي
تطلبني تقييم من عيوني
اقيمك وكت ثاني لان وربي هسه مايقبل التقييم
وصل الحد الاقصى

 

[شهد~]

رد: كون بعيونج أنام

حرف عذب كـ انه سلسبيل

ملىئ المكان بعطره الاخاذ

فكان سقياه جوري

لك استاذي المجيد من الروح ود واجلال

 

[أبْنُ أبآن]

رد: كون بعيونج أنام

قَضيدة مُغنآة
هكذا تعودنا على عطائك الرائع اخي مجيد
حرفك جميل يلامس الوجدان
دمت ودام لنا هذا القلم يعزف اجمل المقطوعات

ودي وتقديري

 

[اسير الضمير]

رد: كون بعيونج أنام

كون بعيونج انام
واصحه والكاج بعيوني
انتي يا اجمل ملاك
بحبج انتي جن جنوني
جنت غافي انه بعيونج
نومه حلوه وفززوني
اه يل بكتوهه مني
بعد متغمض جفوني
ردو اليه نبض كلبي
ردو عشكي وارحموني
عماد
قصيده غنايه مكتمله الجمال
السيد لدينا نقص كبير في الكلمات الغنائيه
وبعض الفنانون يبحثون عن النصوص الجميله
بعد ان اصبح كلمات الغناء هرج ومرج
بس بس نيو هههههههههههههه
ارجو منك عرض هذا الجمال على بعض الفنانين العراقين او العرب
دمت بهذا الجمال
اخوك عماد