لاتخجل بعد وكت الخجل مات

[دهـ يدهـ ش]

لاتخجل بعد وكت الخجل مات
ولاتحتار ابد ماتسوه لتحير
كبل ماتحجي اعرفك رايد تروح
روح احركهن الدم والتصاوير
واذا خايف البير يطلع الاسرار
حته البير راح نذبه بالبير
عرفتك من الاول هدة الاعصار
وتسد باب السمه بوجه العصافير
انه مو جنح يمك ذبته الريح
بكيفك ينكسر وبكيفك يطير
مناشير أدري بيك وكلبي تابوت
وكمت ذبيت كلبي عله المناشير
انه جبت الدروب مغمض وياك
وادك روحي عله كنطرتك بسامير
وجبتهه وياي عمرك تلف وتدور
وانه على تراب جدمك روحي تدير
وسلمتلك عمر ماقصرت بيه
وكضيت العمر وياي تقصير
نواعيري انتهن جي مايك بعيد
الخلل بالماي مو صوج النواعير
بمواعيدك بعد ماصلي للموت
صرت كافر واكفر بالمواعيد
عله جرفك عمر تانيت الهلال
وصل بس موت منك ماوصل عيد
صرت شاعر حزن واقرالك جروح
شمايكضي الجرح من وحده يعيد
وشيب باب كلبي وبعده مقفول
وحته على القفل طلعن تجاعيد
اجيب اول نفس خلصته وياك
واجي بأخر نفس وتكلي شتريد
عصفورة عله بابك حطت الروح
زحمه تحشم عليهه المصاييد
بعد ماريد منك كلشي يفلان
بس انطيني روحي وبعد ماريد​

.......منقوووول​

تحياتي​

 

[الامبراطور]

رد: لاتخجل بعد وكت الخجل مات

ابدعتم قصيدة رائعة دمتم بود​

 

[شواطئ الغربه]

رد: لاتخجل بعد وكت الخجل مات

♥شكرا لك على الموضوع الجميل و المفيد ♥




♥جزاك الله الف خير على كل ما تقدمه لهذا المنتدى ♥



♥ننتظر ابداعاتك الجميلة بفارغ الصبر♥


♥ރ تح يا تي ♥ރ

 

[الشاعر الرياضي]

رد: لاتخجل بعد وكت الخجل مات

شكراا القصيده الرائعه
كلمات واختيار جميل

 

[دهـ يدهـ ش]

رد: لاتخجل بعد وكت الخجل مات

اشكركم على روعه وجمال حظوركم
ودي​