لازلنا نرددها .. هل أراك .. هل أراك
سالماً .. منعماً .. وغانماً .. مكرماً
ويبقى السؤال .. وبجرحٍ عميق
هل أراك ..؟؟...
هل أرآك؟ شگد صعب هذا السؤال!!
انكتب فوگ العين والدمعه القلم
سالماً؟ .. من ياكتر؟ شو كلشي موت!!
طفل! شايب! شاب! چاويــن السِلم
منعّماً؟ .. بجروحك الماظن تطيب؟
جـــــروح حــــيل امعدّله مالت زلم
غانماً .. بس باليتامه العالرصيف!!
البيهم امــــوزّر گعــد شيــــــخ الألم
مكرّماً؟
أي هاي ماتحــــــــتاج راااااااااي
هيّــــه هاي الما يريــــــد الها عِلم!!
بالكرامه الأول انته ابلا جــــــــدال
والدلــــــيل الله اكــــــــــــبر بالعلم
بيك واگف علـــــي ماتنــذل محال
الذله مــوش اغــــطاك يمعلم الشيم
انچان نعتب ياوطن عتبة احــباب
اتلوچ بينه شچم سنه اسنون الظلم
الذيب ماطارد غنم لو راعي حــوك
المشكله المو گدها راعي اعله الغنم
الماي مو ذنبه الغريج اهوه الغشيم!
استنكف ايمد ايده لمتــــــون البلم
مو شرط حچّاي حتى اعتبره شيخ
صار رب وما حچه احچايـه الصنم
صير مثل حســــين سمعّهم الــ (لا)
الــ(لا) تشگ احلوگ مو مثل الــ( نعم)
فرزن النضرات واتعرَف الصــــديج
نضرة الصــــــياد تگطف بس سهم!!
