لا تبايع..

[العـ عقيل ـراقي]

يلا بويه لا تباوع
هاي وادم باگت من الله جوامع
وتستروا بذمة محمد
هاي عمايم تاهت بسن الشرايع
حرمت اللگمة عله الفقير
وحبست طفل جايع
حله بعينها الاخضر
وگالت للجوعان نشبعك
بس تبايع
وتاخذ بطاطين وخيار
وصوبه تفيدك
بس صير النه راجع
يلا بويه لاتعاين
هاي وادم تلعب عله الحبلين
مرة تلگاها ترقص بالملاهي
ومرة تمشي بدرب الحسين
تارس ايده محابس
وبسعر محبس نعيش
يا بويه سنتين
طكت بواسيره علينه
خذ تصليحها من كد المساكين
وشكثر يركع بصلاته
اقسم ماتمشي شبرين
يلا بويه لا تباوع
هاي وادم باعت الله بالجوامع
وأشترت بهدوم اليتامه
مسابح وقصور وشوارع
بالك يبويه توصل الصندوك
وبيه لاتحط يبني شرفنه
وبالك يا بويه للفاسد تبايع..


09/02/2018
العــ عقيل ـراقي

 

[زُمُــــرُّدة]

رد: لا تبايع..

روعة جداً ما كتبته
واحساسك فاق كل الروائع
لم استطيع سوى كتابة تلك الكلمات البسيطة جداً
فتقبل مروري ببساطته

 

[رمااد اانسان]

رد : لا تبايع..

رؤؤؤؤؤؤؤؤؤعه يسلمووووووووو على الاختيار المميز والراقي
تحيااتي

 

[صحاري]

رد: لا تبايع..

شكراا الك اختيار روعه

 

[حنان البصرة]

رد : لا تبايع..

يسلموو غلاي اختيار روعه

 

[العـ عقيل ـراقي]

رد: لا تبايع..

شكرا لكم احبتي
وشكرا لجميل حضوركم
وروعة حرفكم
كل الاماني
عقيل العراقي