لسكته
خليني بسكوتي السكته تستر حال
حچي الماينسمع من ينترك افضل
البلابل بالقفص محتجّه بالتغريد
شو ضلت عمرها وبابهه امقفّل !
ولو قابض جمر موچنهن احچايات
وكل چلمه وحياتك بالفعل تكتل
اريد اصرخ ولكن غصّه بالزردوم
اليغرك يم غشيم اشما صرخ يفشل
ردتك تفتهم ليش الشعر ينكَال
مو تدري القصايد عندي شتمثل ؟
اموديلك عراضه ولمّه من شيوخ
كل مقطع وحقّك بالحچي امعدّل
ماتفهم شكلك ماعرفت الحال
لون حاچي بلغة خرسان هم تنحل
ردتك تفتهمهه وهيّه بين اسطور
شايفلك شمس محجوبه بالمنخل ؟!
لا تهمل قضيتي وانت قاضي الشوك
بكثر تأخير عندك وكتي مستعجل
قضيتي وياك قصه ودخلت التاريخ
اشرايد كل وكت اقرالك المقتل ؟
راق لي..
خليني بسكوتي السكته تستر حال
حچي الماينسمع من ينترك افضل
البلابل بالقفص محتجّه بالتغريد
شو ضلت عمرها وبابهه امقفّل !
ولو قابض جمر موچنهن احچايات
وكل چلمه وحياتك بالفعل تكتل
اريد اصرخ ولكن غصّه بالزردوم
اليغرك يم غشيم اشما صرخ يفشل
ردتك تفتهم ليش الشعر ينكَال
مو تدري القصايد عندي شتمثل ؟
اموديلك عراضه ولمّه من شيوخ
كل مقطع وحقّك بالحچي امعدّل
ماتفهم شكلك ماعرفت الحال
لون حاچي بلغة خرسان هم تنحل
ردتك تفتهمهه وهيّه بين اسطور
شايفلك شمس محجوبه بالمنخل ؟!
لا تهمل قضيتي وانت قاضي الشوك
بكثر تأخير عندك وكتي مستعجل
قضيتي وياك قصه ودخلت التاريخ
اشرايد كل وكت اقرالك المقتل ؟
راق لي..
