لـِ آل الفخامة..من أجمل روائع الشاعر ايهاب المالكي..

[♥ تـنآهيــد أُنـثـى ♥]

[ALIGN=CENTER][TABLETEXT="width:70%;background-color:black;border:3px double firebrick;"][CELL="filter:;"][ALIGN=center]

صباح المحبة / مساء الشوق

s=152 آل الفخامة s=152

لِ روائع الشاعر أيهاب المالكي أحساس مـُتـفرد
ف أخترتُ لكم مما راق لي وجداً



(بلياك ماعيش )

للتحميــل


بلياك ماعيش اليكلك عشت
بعيوني احلفك منة تاخذ حذر
انة اطمئن يمك واذا تبتعد !
من كلشي يمي انة احس بخطر
الليل يدري شكد احبك لأن
وياك عيني تستلذ بالسهر
اذبل لحد ما ارتوي بشوفتك
جن سنبلة الروح وعشرتك نهر
بلياك كشي يصير مابيه طعم
ماميز ابين الورد والصخر
تمطر ترافة وانة اخضر غزل
وبكاع جفي قلمي يطرح ثمر
لو راد ياخذني القدر كلي الك
بس لابيني وبينك يمر قدر
علمت روحي من زغر شوفتك
ردتك صدق تبقى نقش ع الحجر
تشتاقلك عيني اذا سافرت
مثل النوارس من تحن للبحر
انه شسوي بالنظر لو رحت
من تمشي كلي حتى اضمة النظر
مادور بحبك خسارة وربح
مافكر بقلبي ربح لو خسر
كل اليهمني انة احبك فقط
حب لونة صافي ابيض من الكمر
طير انتة من مر بسمى دنيتي
وكر على روحي وعليها استقر
يسكت غصن خلقي كبل لاتجي
ينتظرك الريح التحرك الشجر
بلياك قلبي يصير مابيه نفع
شيفيد كلي الغيم البلامطر
عين الاشوفك بيها احس تختلف
مونفس عيني البيها اشوف البشر
مرات احجي صورتك ع الورق
من اخلط احساسي وي لون الصور
امشي بحياتي وامعن بخطوتك
حتى من اتيهك ع الاقل الكة اثر
انة من اعوفك جدمي يمشي بثقل
ثقل الجدام المالة من السفر
ومن تمشي عني اكون احس يختنك
والعالم بكبرة احس بيه زغر
بس لمن تردلي ارد اكتشف
كلشي بمكانه وانتة حبك كبر

(تلاكينه )

للآستماع والتحميل


اتلاگينة إُّ وگف كلشي بحركة الكون
بس خطواتك اوخطواتي احس بيهن
أودگ السر الأحدب وسط روحي أجراس
وفتلت اوراق الجنت طاويهن
الشارع شالنة حد ماوصلنةالغيم
وأنتحرن جروحي وچلبت بيهن
ها نتلاگة هسة وها الراح ايهون
زعلانات مني وبيك اراضيهن
وانة مابينك ومابينهن محتار
تلچمهن وگلهن بيك اداويهن
كلما تقترب جرح السنين ايطيب
يلتم والثواني خيوط اسويهن
اهي لحظات بس لمت هواي جروح
ماطابن بروحي وكل سنة اچويهن
اسولف وية روحي ها بعد خطوات
ماكلك شلون ومنو اليبديهن
منك خطوة مني ؟المهم خطوة أتصير
متهمني المسافة المهم نمشيهن
ولو محتار بس شاءت الصدفة أتصير
اشوفك والسنين الضايعة الگيهن
بس احتارمن لاحن بعيني دموع
ينتظرن شسوي احبسهن؟ ابچيهن ؟
و اردمجبور اموتهن بعين الشوك
على گد مااعبرك وارجع ارثيهن
انة احلم بالاحلام الضالات انقاظ
الم الضال منهن واحلم ابنيهن
بيت وباب وحچايات حلوة وياك
ونيران الشماتة شموع اسويهن
لاتلتفت گتلك لاوكتنة ايضيع
ميل ايعد ثواني وخطوة تمحيهن
انة تيهت روحي گلت وين تروح
يم روحك سوية وهسة نلگيهن
حلم غمضت بي عيني أوگفت وياك
بي يمك حچيت المستحي احچيهن
بجيت اوبستك ووطفيت بيك الغيض
واشتعلن ضلوعي وگتلك اطفيهن
بس فزيت وعيونك تضيع هناك
من كلش وصلنة وركزت بيهن
من مديت چف محنة جنت اتريد
اشوف اطراف اصابع ردت احنيهن
من خليتك وزعلت جدامي وياي
من گالن انريدة وردت اخليهن
انتهه كلشي وبديّ سديت باب الشوگ
وانترسن عيوني ويردن اچفيهن
ومالوليت من رادت اسراري تنام
دگ نايك بروحي گمت اغنيهن

(عكب عينك )

للآستماع والتحميل


عكب عينك بعد بطلت ماحب عين

احبهه وتالي شامت يعجب بيهه

كمت ارسمهه بيدي حتى خاف اتضيع

مادورهه واسئل ضاعت الكيهه

انه عاتب عيون الجذب مرسومات

اعتبهن بصوت ودمعتي ابجيهه

ماعاتب عيون الصدك بالبسكوت

وابجي بسد ضحكتي ودمعتي اخفيهه

ماانكر حجي عيةنك قصايد جان

حافظ كل صورهن علملا القيهه

بس لا ...هسة من الكه بوصفهن بيت

عن كل القصيدة اتنازل انطيهه

انه جويت اصابع قلمي حتى انساك

اذا ذكرتك روحي حالف اجويهه

ولو نص القصيدة طاري عينك جان

بس طلبوهه مني ومجبر احجيهه

(جنة نرسم )

للآستماع والتحميل


جنة نرسم شوقنا فوق السوالف

وجنة نتوادع لمن تبجي الجفوف

وجنة من نظراتنا تسكت الوادم

ولو حجينا اثنينة اينام اليشوف

وجنة راضين بوضعنا وحالنا

رغم كلش قاسية ويانة الظروف

وجان مو يوم المانتلاقة بيه

ومن اشوفكـ نحمد اللهـ اثنينة

شصــار هســـــة شغيرك

بية السبب لو دخل واحـــد غريب ابينة

ماتدري بية اني فصلت العمر كلة على كدكـ

واني عفت الدنيا كلها وماردتها وردت ودك

واني حت كلبي من انام يغافل اعيوني

يجيـــــك وينام عــــــــندك

ياثمر شتلت صبابي

وياثمر بالدنيا كلها بلون خدك

شافت روحي امس بلطيف جيت

ومني خافت ليك اجت نامت بسدك

ياتعب للغير اذتني السوالف وصرت احسك

جن جرح بية وترف محتار وي روحي جندوب اشدك

انة خلصت الحجي واضح كلامي

روح واللة يسامحك ماريد مامحتاج ردك



( احلام الشباب)


للآستماع والتحميل


جنت ادور ابيات كون توصف احلام الشباب
ودورت كل المدينة بيت بيت ..
باب...باب..
وره كل باب الكه شاب
يفرز احلامه حسب نبض الحياة ..
بيهن توقف نبضهن ..
بيهن ايعيشن بعدهن ....
وهو يمهن..
يفرز احلامه التموت
ويحرفلهن بليالي حتى يدفنهن سوية
وبيهن انضمن عليه ...ماشفتهن
المهم كل الشباب الصادفتهم ..
من درو بيه انه شاعر كلهم التمو عليه
امنوني احلامهم بيدي واجيت
وانه باحلام الشباب البلقصيدة كمت احس توني بديت
ابكل حلم صورة لكيت ..
صورة للشاب ويجرحه
صورة للمالاكي فرحه
ابحلم كل شاب الكه لوحه
لوحه ماراسمهه دافنشي محال
لوحه راسمهه خيال
بيه فرحه بيه حيرة
بيهه شاب ايطول عسرة وباقيه جفوفه كصيرة
ابحلم كل شاب الكه ديرة
جن جزيرة ..بلااميرة
بس جزيرة حرة مامحتل شعبهه ومحد يقرر مصيرة
حتى بارض احلامه غيرة
يغفه بس صاحي ضميرة
من ينام ابجفه ضام
غضن زيتون السلام ..
ايحط على رموشة الحمام ..
الله باحلام الشباب اشكد صورحلوة لكيت
اشكد لكيت ..
ولهذا ..
احس اكضي القصيدة ابقى احس محتاجه بيت



( القاتل المأجور )

للآستماع والتحميل


چنت سامع گبل بالقاتل الماجور
من الشمات ياخذ على الدم اتعاب
وانه ممنون منك جسدتلياه
گل للكلفوك الرايدينة انصاب
گالولك تلوحة وگلت طگة موت
ومن تلوح شاطر بالف طگة حساب
جبت بيدك ورد لمعة الخنجر بي
وانه مصدگ بشوفي وگلت لا چذاب
گتلك ذاك خنجر گلت خنجر وين ؟
حتى تخلني اامن طلعتلي گراب
متت مامشتكي وعرفت اسراري الناس
شامت گايللهم كاتلينة احباب
انه عشت بجرح بس من زمان وياي
من يلچم بيدي يطيح منه تراب
من قرالك قصيدة الندة دموع ايصير
وتون النوارس حدر جدمي اسراب
من دچيتني چنت ارد ابوسك جاي
يعني من التقينا چان عدنه اسباب
اجيتك والگمر مستحي ايشوف الشوگ
بس لمن صبتني ماتحمل غاب
انه بانيك چن قلعة ملك شبساع
هبت بيك ريح وصرت تل تراب
بست خدي وخفت بس گلت لا حلمان
اثر بوسة شفافك چان طبع انياب
لا تحسب ابياتي عتاب عود وياك
بس ويالعزاز ايصير عندي عتاب
انه بطلت اون بس الجرح بي نار
صح طفيته لكن ظال بي عطاب
من الفه ضماد بس حسبة ثواني ايطيح
لان مجنون جرحي وماتلمة ثياب
وانه ضميتهن دمعه وجرح مجنون
وتوالمن بيه وعايشات احباب
احلف عيوني منك كون دمعي يتوب
وانه شكي بمحلة ومامصدگ تاب
تهجم ذكرياتك وانه ابوابي هواي
اركض باب اسدة وغاد يوگع باب
انه ياباب افك حتى من اروح انساك
اهن لو گبر بيهن لو وراه سرداب

\\
أرجوا أن ينال الاختيار أستحسانكم
أتمنى تكون موسوعه كامله لاشعاره
بمشاركاتكم أكيد..
لِكم مني ارق واعطر التحايا

s=152كونوا بخير لأكونs=152
​

[/ALIGN][/CELL][/TABLETEXT][/ALIGN]

 

[شيلان]

رد: لـِ آل الفخامة..من أجمل روائع الشاعر ايهاب المالكي..

احسنت بإختيار العملاق ايهاب المالكي كي نقتبس من مشاعل اشعاره المميزة

لك كل الحب روح الأنا..

محبتي و أكثر..

 

[♥ تـنآهيــد أُنـثـى ♥]

رد: لـِ آل الفخامة..من أجمل روائع الشاعر ايهاب المالكي..

أنرتي ومنحتي السرور للنفس
بهكذا حضور..
ف الف الف شكر لأشراقة النور
كلي امتنان ياحبيبة
محبتي وعطر وردي ل روحكِ

؛
​

 

[تراتيل عاشق]

رد: لـِ آل الفخامة..من أجمل روائع الشاعر ايهاب المالكي..


اتلاگينة إُّ وگف كلشي بحركة الكون
بس خطواتك اوخطواتي احس بيهن
أودگ السر الأحدب وسط روحي أجراس
وفتلت اوراق الجنت طاويهن
الشارع شالنة حد ماوصلنةالغيم
وأنتحرن جروحي وچلبت بيهن
ها نتلاگة هسة وها الراح ايهون
زعلانات مني وبيك اراضيهن
وانة مابينك ومابينهن محتار
تلچمهن وگلهن بيك اداويهن
كلما تقترب جرح السنين ايطيب
يلتم والثواني خيوط اسويهن
اهي لحظات بس لمت هواي جروح
ماطابن بروحي وكل سنة اچويهن
اسولف وية روحي ها بعد خطوات
ماكلك شلون ومنو اليبديهن
منك خطوة مني ؟المهم خطوة أتصير
متهمني المسافة المهم نمشيهن
ولو محتار بس شاءت الصدفة أتصير
اشوفك والسنين الضايعة الگيهن
بس احتارمن لاحن بعيني دموع
ينتظرن شسوي احبسهن؟ ابچيهن ؟
و اردمجبور اموتهن بعين الشوك
على گد مااعبرك وارجع ارثيهن
انة احلم بالاحلام الضالات انقاظ
الم الضال منهن واحلم ابنيهن
بيت وباب وحچايات حلوة وياك
ونيران الشماتة شموع اسويهن
لاتلتفت گتلك لاوكتنة ايضيع
ميل ايعد ثواني وخطوة تمحيهن
انة تيهت روحي گلت وين تروح
يم روحك سوية وهسة نلگيهن
حلم غمضت بي عيني أوگفت وياك
بي يمك حچيت المستحي احچيهن
بجيت اوبستك ووطفيت بيك الغيض
واشتعلن ضلوعي وگتلك اطفيهن
بس فزيت وعيونك تضيع هناك
من كلش وصلنة وركزت بيهن
من مديت چف محنة جنت اتريد
اشوف اطراف اصابع ردت احنيهن
من خليتك وزعلت جدامي وياي
من گالن انريدة وردت اخليهن
انتهه كلشي وبديّ سديت باب الشوگ
وانترسن عيوني ويردن اچفيهن
ومالوليت من رادت اسراري تنام
دگ نايك بروحي گمت اغنيهن

))))

الله الله
انتقيتِ أجَمل الأشعار وأحلاها
راقت لي تلك الجَواهر للشاعر الرائع ايهاب المالكي
تناهيد انثى
ذوقٌ لا يٌعلى عليهِ
دمتِ بتلك الأناقة
أجمل امنياتي
))))

 

[♥ تـنآهيــد أُنـثـى ♥]

رد: لـِ آل الفخامة..من أجمل روائع الشاعر ايهاب المالكي..

[font=&quot]حروفكَ كما الفراشة التي تعتلي رحيق الزهر[/font][font=&quot]
[/font][font=&quot]مرّت فوق حروفي وسكبت شهدِها[/font][font=&quot][/font][font=&quot]
[/font][font=&quot]شكراً بِ علّو السماء لأنت [/font][font=&quot][/font][font=&quot]
[/font][font=&quot]لِكرم وروعة الحضور[/font][font=&quot]
[/font][font=&quot]لِ روحكَ طوق ياسمين ورقيق التحايا[/font][font=&quot]
[/font][font=&quot]كن بخير لأكون..![/font][font=&quot][/font]​

 

[شيلان]

رد: لـِ آل الفخامة..من أجمل روائع الشاعر ايهاب المالكي..

تئن لك السماء فكيف لا ....تبكي لجرحك في الرثاء قصائدي


فعقيدتي انت التي من غيرها. انا قد اعيد حساب كل عقائدي


انا ما اكون بغير حبك سيدي... هرم وقد تنهار كل قواعدي


اوذي دموع قد سئلت بفقدكم ....... فاجبتهم كلا فتلك قلائدي


قدمي بعاشوراءتعرف وجهتي واناالذي ما اعتدت بوح
مقاصدي

انا ما رضيت بغير وصفك قائدا. مذ قدت ديني واتخذتك قائدي


****************


مدري شلون ظلت ما فنت يحسين ؟؟؟؟؟



مستغرب الدنية بيا وجه ردت !!!!



وصلت تنفني والطف نهاية تصير



تلاثة ثنين واحد للصفر عدت ((())))



ساعة موت جانت ولميالة سيوف



بالطف بلميالة المعركة احتدت



اظن كلتلها ردي وطاعتك يحسين



ما كالت شلون بلا فكر ردت



ردت!! بس تناقض بين هاي وهاي!!!!!



اهي بساعت وكعتك كلشي ما ردت



سكتت جنهة تدري البيك راح يصير



لا فزعت عليك .....ولا نبل صدت



جانت خطة عظمى هواي بيها اطراف



متورطين بيها وبالخفى انعدت !!!!!!!!



كتبوا علملف سري اغتيال حسين ؟؟؟؟؟؟



سدووووا من وراك توقعوا عدت



ما عـــــــــــــدت


اتعدي اشوت والعباس ما خله الشريعة الكنطرة انسدت



خطة انحكمت وعصبوا عيون الخيل



لو ما عصبوها شتعتقد هدت !!!!



مثل حال السيوف الجايه تلاكيك




لو تعرف عليمن يا ترى انحدت



اشخاف المح الصورة العلة الحايط ليك



شتسمي العيون العل النحر صدت


جنت محتاج موقف حتى ابري الغيم



من جار العطش والمعركة اشتدت



في عز ماجنت محتاج كطرة ماي



ما فزعت عليك وبالجذب ندت



لو نفرض جدل ما بيها ماي يجوز؟؟؟



جا نزلت بديها من النهر جدت !!!!!



انا محتار بالطف مو شعر يحسين



انا ملكة خيالي من الدما انحدت



وكفتت شاعريتي وياك باول بيت !!!!!



من كتلك الدنية بيا وجه ردت



ما ترهم ؟؟؟ شلون ايطيح جف عباس



ما اعقلها طاح !!! وجربته تبدت



اهم طاحوا كبل لا يلتحم بالجيش



من شافوا الراية بيمنته انشدت



شد شديتهه ومنك لجف عباس



عد عباس راية ونعقل انهدت !!!!!



لا لا بس عن قصد عباس دكها اثبات


حتى ايكلهم امشوا المشرعة انسدت

 

[آهاات حالمة]

رد: لـِ آل الفخامة..من أجمل روائع الشاعر ايهاب المالكي..

انتقاء انيق
تسلم الانامل ع اختياركِ
دمتِ بسعاده لا تفارق قلبك يارب
تحيااتي واحترااامي لكِ
تقييمي
​

 

[قيصر الحب]

رد: لـِ آل الفخامة..من أجمل روائع الشاعر ايهاب المالكي..

يعطيك الف الف عافيه

موضوع رااائع

وجهود أروع

ننتظر مزيدكم

بشوووق

 

[احمد الحنين]

رد: لـِ آل الفخامة..من أجمل روائع الشاعر ايهاب المالكي..

روووووووعه