لجبهة صاعد والنخل ويّاه صعد..
وبصورة أمه شگد غفه وعيونها تلوليله..
يكتب على الساتر صبح..
ومكتوب جابوه العصرگبل الهجوم بليلة
: أمّك على فراش المرض
تشهگ صورّك والدمع
چودر بطرف الشيلة..
ومحمد التف بالبرد
نوبة القصيدة تفزّزه
ونوبة الرصاص بلاوعي يغنيله...
تطفه الجگارة وتشتعل
لانامت جروحه ولاغمض جفن...
سولف وتيّه بالحچي
ذاك المعتبَر والفطن....
وظل گاعد لوجه الصبح
المهم خلص ليلته دموع ونجم...
وطاح الفجر بالمعركة
واگلايد يشوف التفگ
والساتر مشذّر زلم...
واشتد صهيل الراجمة ويسمع غنه
وصفگة عرس...
ووجه امه بالغيم انرسم
من بين دخان الرمي يشوف الشمس..
هب التفگ وابّاله اجت هبّة شعر
واشتعلت بنار السمه...
بيتين بالثالث وگف والچيلة اجته محزمة..
وطار الفراش من الورد
والدم تبدّه اعله الصور..
گلبه المعلّم عالدفو جاسه البرد…
وگلب امه بالصورة انفطر...
وجابوه شهيد لديرته
ويرفرف براسه العلم...
يقرون بابيات الشعر
:يايمه ياام العافية ..ماصح بديّه وداعتچ
ردت ارجع وكظني القلم...
واتبسمرت فوگ السواتر والنخل
منّا لمن چيلاتهم بيّه انطفن....
چنت انه بس شاعر گبل
رديتلچ شاعر يموت اعله الوطن
وبصورة أمه شگد غفه وعيونها تلوليله..
يكتب على الساتر صبح..
ومكتوب جابوه العصرگبل الهجوم بليلة
: أمّك على فراش المرض
تشهگ صورّك والدمع
چودر بطرف الشيلة..
ومحمد التف بالبرد
نوبة القصيدة تفزّزه
ونوبة الرصاص بلاوعي يغنيله...
تطفه الجگارة وتشتعل
لانامت جروحه ولاغمض جفن...
سولف وتيّه بالحچي
ذاك المعتبَر والفطن....
وظل گاعد لوجه الصبح
المهم خلص ليلته دموع ونجم...
وطاح الفجر بالمعركة
واگلايد يشوف التفگ
والساتر مشذّر زلم...
واشتد صهيل الراجمة ويسمع غنه
وصفگة عرس...
ووجه امه بالغيم انرسم
من بين دخان الرمي يشوف الشمس..
هب التفگ وابّاله اجت هبّة شعر
واشتعلت بنار السمه...
بيتين بالثالث وگف والچيلة اجته محزمة..
وطار الفراش من الورد
والدم تبدّه اعله الصور..
گلبه المعلّم عالدفو جاسه البرد…
وگلب امه بالصورة انفطر...
وجابوه شهيد لديرته
ويرفرف براسه العلم...
يقرون بابيات الشعر
:يايمه ياام العافية ..ماصح بديّه وداعتچ
ردت ارجع وكظني القلم...
واتبسمرت فوگ السواتر والنخل
منّا لمن چيلاتهم بيّه انطفن....
چنت انه بس شاعر گبل
رديتلچ شاعر يموت اعله الوطن
