جواد القابجي
*********
ياللِّي تريد اللعب بالسنّه والشيعه
معقول ابد مسمعت .. هالوطن منبيعه
*************
يابايع ارض الوطن والشعب بالدولار
معقول ابد معرفت .. بعراقنه الاحرار
ظل انتَ ساقط ضحل تتجسس اعللدار
او هَمْ العراقي الشهم ، لعراق تجميعه
******************
ظَل انتَ تجمع فِتَنْ .. بَعمالك القذره
والشعب زاده الوعي ووجوهكم صفره
يامن اكلتوا السحت امنجوارنه الغبره
لعراق بالقافله .. والضِدنه منطيعه
**************
اتوالون للأجنبي ولبن الوطن ضدّه
دخَّلتوا كلمن وحشْ .. جربوع يو قرده
وذبحتوا هذا الوطن ..
وبساعة الشدَّه
كلمن تِبَرَّه او صرخ ..
هالوطن منبيعه !!!!!!!!!
