لو مرّه انخطف لونك يماي العين
اصيرنلك وجه وانطيك من لوني
يامه ويامه همّك شلته بين الروح
ماملّك صحت لو تعبت متوني
ارسمك بالخيال وبيك اضل محتار
وذا متصدّك اسال لوحة جفوني
جم مرّه عليك اتحسّرت يفلان
جم مرّه اعض سنوني بسنوني
جم مرّه اهيم بعالم الوجدان
وتكعّدني فرحتي بندهت اضنوني
هسّه شغيرك شنهي الحصل متكول
اذا متكلّي اكل للناس دفنوني
عليك بجاه كل جلمه انحجت وياك
صارحني تره الشمات يولوني
كل كلمه الكلتلك بيهه هاي الناس
لو سمعوا ذكرها الكل يصفكولي
عمّي بصايتك وبصاية الطيبين
عوّد عن قرارك وارحم عيوني
تكون انت سبب للمنتدى ماطب
وماترضى اضن غايب يسجلوني
اذا غلطان انه العذر هم مقبول
وكل ربعك اضن بيهه يأيدوني
