شنهو ذنبي..؟
ليش من هسة العجاف تبوگ گلبي
ليش بس انا اَعلى عيني ينام تعبي
ليش بس انا الحنين الـ مالگة بنادم يريدة
ليش ليلية البواچي تلتم بروحي قصيدة
ليش ليلية اسافر دمعة للنجمة البعيدة
وتكبر الـ ليش" َوي جرحي
ويجي الموت يعلّگ احلامي اَعلى جيدة
انا ذاك الينتظر عمرة برسالة
وينكتل ساعي بريدة
انا ذاك التايه بشوغات حزنه
وتفتر الـ آخ بوريدة
ليمت الگه ابنادم يدلّيني بيَّه
واغفى لحضات اَعلى أيدة؟
ليش كل مايحط گلبي بشجرة احلامه
تجي الوادم تصيدة
ويستمر هذا التساؤل…!
واحلم تمرني شمس تاخذني ليها
وما أفكر شنو شراح يكون باچر
ارد اشيلن من مخيلتي تعب اسمة المگابر
كافي اموت.!
ارد امدّ ارموش عيني
لضحكة اطيوفي گناطر
ارد اسافر ارد سافر.....
كاظم الحولاوي
ليش من هسة العجاف تبوگ گلبي
ليش بس انا اَعلى عيني ينام تعبي
ليش بس انا الحنين الـ مالگة بنادم يريدة
ليش ليلية البواچي تلتم بروحي قصيدة
ليش ليلية اسافر دمعة للنجمة البعيدة
وتكبر الـ ليش" َوي جرحي
ويجي الموت يعلّگ احلامي اَعلى جيدة
انا ذاك الينتظر عمرة برسالة
وينكتل ساعي بريدة
انا ذاك التايه بشوغات حزنه
وتفتر الـ آخ بوريدة
ليمت الگه ابنادم يدلّيني بيَّه
واغفى لحضات اَعلى أيدة؟
ليش كل مايحط گلبي بشجرة احلامه
تجي الوادم تصيدة
ويستمر هذا التساؤل…!
واحلم تمرني شمس تاخذني ليها
وما أفكر شنو شراح يكون باچر
ارد اشيلن من مخيلتي تعب اسمة المگابر
كافي اموت.!
ارد امدّ ارموش عيني
لضحكة اطيوفي گناطر
ارد اسافر ارد سافر.....
كاظم الحولاوي
