ليش وطنا مانعرف نحرسه!!~

[»❥ Q̃̾υ̃̾ééи̃̾]

رد: ليش وطنا مانعرف نحرسه!!~

منوره عزيزتي
الله كريم

 

[قيثاره الحب]

رد: ليش وطنا مانعرف نحرسه!!~

السلام عليكم ورحمه الله وبركاته
طرح قيم للنقاش
بصراحه السبب هو انعدام الضمير فقد اصبح الضمير ميت لدى الاكثريه
فالشخص بمجرد ما يستلم مركز في الدوله نراه قد نسي كل مبادئه وقيمه
واصبح مثال للفساد وانعدام الضمير ولا يهمه سوى كيف يزيد من امواله
والساسه الذين اتوا مع الاحتلال والذين لم يعيشوا مع الشعب ولم يعانوا مثلهم
فنرى كلامهم مجرد وعود وكلام غير واقعي
وايضا كما قلتي المثل حاميها حراميها
طبعا ليس الكل هكذا لان لو خليت قلبت
اكتفي بهذا القدر تقبلي مروري المتواضع
تحياتي لكي

 

[»❥ Q̃̾υ̃̾ééи̃̾]

رد: ليش وطنا مانعرف نحرسه!!~

حضوركٍ ومشاركتكٍ هوا الراقي
تسلمين قلبي

 

[العراقية]

رد: ليش وطنا مانعرف نحرسه!!~

احسنتي الطرح

خيتي الامن والجيش موجود بس السيطرات والتفتيش ضعيف يعني هسة لو اريد اروح اي مكان يخلون السيارة تمشي بلا تفتيش ومن هاي الاخطاء والاهمال رح تصير الانفجارات

وهذا الدليل صار يمنة لان السيطرات ضعيفه

اكو ارهابي راد يفجر منطقة في بابل لمن عرفو وراحو وقبضو عليه اعترف الهم اكو واحد يريد يفجر بغير مكان فاخذو وياهم علمود يدليهم بي وصل يم الشط وشرد وسبح الى الساعة 12 بالليل شافو وقبضو عليه


شكرا غاليتي

 

[حفيدة الصحابه]

رد: ليش وطنا مانعرف نحرسه!!~

وطني الحبيب

وطن يتآكل فماذا يريد

فهل ترغب الانتقام من ماضينا العريق

كيف لا وأنت تكتشف كل يوم شي جديد

ولاكنه مريب

وطني مازلت أنتظرك على حافة الحدود
فإن لم تنهض سوفا أقول واقول وأفعل من آجلك ماتريد

 

[»❥ Q̃̾υ̃̾ééи̃̾]

رد: ليش وطنا مانعرف نحرسه!!~

منورين حبيباتي اهلا وسهلا

 

[عاشق الصمت]

رد: ليش وطنا مانعرف نحرسه!!~

مساء الخير
في البدايه اشكر الاخت على موضوع النقاش الرائع
وخلونه نحجي بالعاميه العراقيه بعيد عن الفصحى والكلام المنمق حتى يكون الكلام اكثر صراحه
وحتى نفهم شنو الي ديصير بينه احنه العراقينن وليش ..؟؟
الآن كل العراقيين فاهمين الوضعيه ومثل منكول الناس مفتحه باللبن ومو غشمه ..
التفجيرات كلهه سببه الحكومه ومو بس سبب لكن الحكومه نفسهه الي تقتل شعبهه وكلنه نعرف جاي تنفذ أوامر من دوله او دول خارجيه ..
من بداية الاحتلال لحد الآن حاولو على خلق الفتن بين ابناء الشعب بدواعي الطائفيه وغيرهه لكن كلهه فشلت والحمد لله
لان الانسان العراق ماكو أحن من قلبه ومستحيل يقتل بهيج وحشيه وطبعا اقصد العراقيين الشرفاء وهم الاغلبيه
اما الي ينفذون اوامر لقتل ابناء شعبهم اكيد ذولي مجرمين وقتله ومو بشر أصلاً..
اخواني الحقيقه واضحه واكو دلائل منو الي يقتل الناس ..
يعني بس اسألكم يوميا تقريبا 10 او 20 سياره تنفجر بالعاصمه هاي ماعدا المحافظات طبعا يله كولولي منو عنده هيج قوه وحمايه غير الحكومه نفسهه ؟
طيب اذا مو الحكومه ليش ما تلزم ولو سياره واحده او تكشف عن مجرم واحد ؟
والحقيقه هي انو اكو قوة حكوميه عليا تقوم بتحضير هاي السيارات بلليل وتخليهه وتنفجر الصبح على الناس
وهاي القوه اكيد ما تتفتش من قبل السيطرات وإله يله كولولي منين تدخل ؟
القوه هاي اغلب الاخبار والتوقعات تقول انو هو احمد ابن السيد المالكي وهاي الاخبار يتناقلهه الناس..
هسه خلي نفكر كعراقيين نقول شنو السبب وليش ؟
وخلي نحجي بصراحه بعيد عن التعصب لأي مذهب حتى نفهم الحقيقه شنو ؟
الكل تعرف دخلنه بحرب مع ايران وعدهم حقد قديم على العراق والان جاي تنتقم من العراقيين سنه وشيعه على السواء ..
ايران الان تشتغل على وتر الطائفيه حتى تقتل العراقيين وإله يله كولولي لو ايران يهمهه الشيعه او المذهب عود هسه الحكم شيعي والمفرض تفرح وتحمي هذا النضام وتساعده حتى يستمر وهسه نشوفهه تشتغل العكس معناهه معاداتهه لجميع الشعب العراقي سنه وشيعه على السواء وخلي نفهم هالشي ..
بوقت ماكان الجيش الاميريكي اعلنو حرب على الشرطه والجيش من قبل الجماعات الي تشتغل لصالح ايران حتى هالبلد يبقه بيه قتل وعدم امن حتى يكثر القتل ..
وبعد خروج الامريكان سقطت هاي الورقه او هاي الذريعه وآخر ما سمعت من شهادة احد اخوانه الشيعه في احدى القنوات قال ..
انو الحكومه العراقيه بتوجيه من ايران يردوهه تكثر الفساد والقتل حتى يضهر الامام المهدي وجاي ينفذون هالشي الهم ..
طيب ياحكومه متفكرون عود ليش مو خلي يقتلون الناس ببلدانهم اذا يؤمنون بهيج حقيقه ؟
وبعدين الامام المهدي عجل الله فرجه اذا يضهر اول ما ينتقم منكم لان هو راح يقيم العدل عالضالمين وينصف المضلوم ؟
المهم اخواني الحكومه ما اعتقد اغبياء وهم فاهمين كلشي لكن ما يكدرون يكونون ضد هالشي لضعف وطنيتهم وانعدام الضمير وطبعا الي تتلطخ ايده بالقتل يكون عنده الواحد والمليون نفس الشي ..
هسه هذا اهم جانب ويبقه الجانب الآخر الجماعات والمليشيات الي كلهه تشتغل لصالح ايران
وأخص منهه بالذكر تنضيم القاعده الارهابي الي يشتغل لايران وبمساندة الحكومه نفسهه ..
وهسه تكولون يمعود هاي شلًك بيهه مو؟ هههه
اكوللكم بس كولولي شلون يطلع اكثر من الف سجين والدوله ما لزمت منهم ولا واحد يعني قابل الارض اشنقت وبلعتهم؟
معناهه الدوله طلعتهم واكو دلائل هوايه المجال ما يوسع لذكرهه وطبعا حتى تخربط الوضع بكل بلاد المسلمين
وحتى يبقه المسلمين ناس تقتل ناس والسيده اسرائيل العضمى مرتاحه ولا يمهم شي وهذا هم دليل آخر انو ايران واسرائيل وامريكا بنفس الخندق وكل الي يشتغلون حاليا لصالحهم ولا عبالكم اقصد طائفه معينه يعني اخذوه مني جماعات سنيه وجماعات شيعيه يشتغلون للقتل بدواعي مختلفه لكن الهدف هو قتل الانسان العراقي ..!!
أما الحل بصراحه صعب جداً بهيج وضع مُزري لكن أملنه بالله أن يزيح هاي الغيمه عن العراقيين ويحفظ أرواح الناس ..
وأختم كلامي أنو آني مو ضد أي طائفه ولا مع اي طائفه ولا ضد اي نضام ولا مع اي نضام سابق أو حالي
والله لا يرحم كلمن دمر العراق والله ينتقم من كل من تنمد إيده على أي عراقي..
أعتذر عن الإطاله لكن الموضوع جدا مهم ويهم أرواح الناس
وربي يحفظ الجميع


تحياااتي

 

[العراقية]

رد: ليش وطنا مانعرف نحرسه!!~

بينورج غاليتي المبدعةj-(j-(j-(j-(j-(j-(j-(j-(j-(j-(j-(j-(j-(j-(j-(j-(j-(

 

[»❥ Q̃̾υ̃̾ééи̃̾]

رد: ليش وطنا مانعرف نحرسه!!~

عاشق حضورك اسعدني
وكلامك يتخلى ع الجرح
منور ياذهب