ماردت احبك حاولت........من لفظة اسمك حاذرت
جلمة وشلتهه من الحجي.......ومن اللسان اخفيتهه
وبيبان روحي مقفله.........وعن لا احب سديتهه
صلفه امنياتي الرادتك
سالتني عنك بس صمت كلش ولا حاجيتهه
كالتلي وينه وجاوبت ما ادري ما دليتهه
ماردت احس حبك لان كبلك الروح انطيتهه
ولخاطرك رحت اعتذر.......منيت بيهه لخاطرك
مثل الطفل لمن يمن بحاجته
وياك اعز ناسي انتهوا ماعدت احس بعازتك
بدربي كلت لو مو سوه.........امشي حياتي بلا درب
يمكن يشح عني الهوه........لا.بس جذب معقوله مانمشي سوه
معقوله في لحظة الشمس للكاع ماتنطي ضوه
وتنتهي و مانلكه صبح.........معقوله يطلعلي جرح!!
معقوله ريشة شفتك ترسملي بالضحكه رمح!!!
لا موصدك....خلينه من هذا الحجي.....بجفوني سوله اعله البجي
وصياد كاعد بالجفن للدمع شايل فالته
وياي احسك جن صرت مثل الهلال وهالته
كالولك يعوفك تره.......تذكر كبل؟كتلي شكلهم؟
كتلك أي كلهم لمن من يمي تمشي جنازته
هوه انه عايشلك لان دمي الاعز ما بالجسد بس انت تعرف حالته
من مايحس بلمستك يخلص وتبقه وشالته
تذكر جنت من تعتنيلي بلهفتك مشتاك حته تشوفني؟
و تلكاني روحي مشككه ولمسات اديك تروفني
تتركني هسه قررت.....ينطيك كلبك ننتهي وبس بالاحلام تشوفني
تتركني هيج بلا ذنب......بررلي حته لو جذب
مليت؟كلي كمت امل.....شيحمله ليلي بوحدتي
ماينحمل بعدك ترى......و جذبت كتلك ينحمل
كتلك لمن تمشي ترى.........تتركني وحدي جن طفل
تايه وكل اهله مشوا........عايش يتاني الما اجوا
كلشي اليمر يفززه........ حتى الشماتة تفززة
من يمشي ويهب الهوه يلتفت حسباله حجوا
لكن لمن يتذكرك.......حته الشماته المابجوا
من شافو دموعه بجوا
هيج انه من عني رحت........ماتسكت جروحي ولو
دورتك انه بشدتي.......شفتك وطن حنيت الك
لكن لكيتك غربتي
احتاريت منهن ياهي اصح......مابين ذلي وعزتي
اختاريت اعوفك حتى لا........تكسر قرارك دمعتي
و ونيت سكته ما ردت........يتشمتون بونتي
صح اضحك بنبرة فرح........بس ركز بصوتي بعد تسمع نحيب بضحكتي
هم مثلي كلبك مانسه..........وهم بعد من تمشي درب
تذكرني خطواتك بعد.......تترك فراغ لخطوتي
لاتسكت الا بينت.......بين اثرهه بعبرتي
ولا تلتفتلي ..
بس ردت انطيك اخر مابقه
و هو شبقه.........مني خذت كلشي وبقت
دمعات ليك بذمتي
للشاعر .. ايهاب المالكي
جلمة وشلتهه من الحجي.......ومن اللسان اخفيتهه
وبيبان روحي مقفله.........وعن لا احب سديتهه
صلفه امنياتي الرادتك
سالتني عنك بس صمت كلش ولا حاجيتهه
كالتلي وينه وجاوبت ما ادري ما دليتهه
ماردت احس حبك لان كبلك الروح انطيتهه
ولخاطرك رحت اعتذر.......منيت بيهه لخاطرك
مثل الطفل لمن يمن بحاجته
وياك اعز ناسي انتهوا ماعدت احس بعازتك
بدربي كلت لو مو سوه.........امشي حياتي بلا درب
يمكن يشح عني الهوه........لا.بس جذب معقوله مانمشي سوه
معقوله في لحظة الشمس للكاع ماتنطي ضوه
وتنتهي و مانلكه صبح.........معقوله يطلعلي جرح!!
معقوله ريشة شفتك ترسملي بالضحكه رمح!!!
لا موصدك....خلينه من هذا الحجي.....بجفوني سوله اعله البجي
وصياد كاعد بالجفن للدمع شايل فالته
وياي احسك جن صرت مثل الهلال وهالته
كالولك يعوفك تره.......تذكر كبل؟كتلي شكلهم؟
كتلك أي كلهم لمن من يمي تمشي جنازته
هوه انه عايشلك لان دمي الاعز ما بالجسد بس انت تعرف حالته
من مايحس بلمستك يخلص وتبقه وشالته
تذكر جنت من تعتنيلي بلهفتك مشتاك حته تشوفني؟
و تلكاني روحي مشككه ولمسات اديك تروفني
تتركني هسه قررت.....ينطيك كلبك ننتهي وبس بالاحلام تشوفني
تتركني هيج بلا ذنب......بررلي حته لو جذب
مليت؟كلي كمت امل.....شيحمله ليلي بوحدتي
ماينحمل بعدك ترى......و جذبت كتلك ينحمل
كتلك لمن تمشي ترى.........تتركني وحدي جن طفل
تايه وكل اهله مشوا........عايش يتاني الما اجوا
كلشي اليمر يفززه........ حتى الشماتة تفززة
من يمشي ويهب الهوه يلتفت حسباله حجوا
لكن لمن يتذكرك.......حته الشماته المابجوا
من شافو دموعه بجوا
هيج انه من عني رحت........ماتسكت جروحي ولو
دورتك انه بشدتي.......شفتك وطن حنيت الك
لكن لكيتك غربتي
احتاريت منهن ياهي اصح......مابين ذلي وعزتي
اختاريت اعوفك حتى لا........تكسر قرارك دمعتي
و ونيت سكته ما ردت........يتشمتون بونتي
صح اضحك بنبرة فرح........بس ركز بصوتي بعد تسمع نحيب بضحكتي
هم مثلي كلبك مانسه..........وهم بعد من تمشي درب
تذكرني خطواتك بعد.......تترك فراغ لخطوتي
لاتسكت الا بينت.......بين اثرهه بعبرتي
ولا تلتفتلي ..
بس ردت انطيك اخر مابقه
و هو شبقه.........مني خذت كلشي وبقت
دمعات ليك بذمتي
للشاعر .. ايهاب المالكي
