مافهمتك
حتى واني اقراك ساكت
صرت تحجي ومافهمتك
اتغير احساسي القديم
وهسة يمكن مااعرفك
لاتحملني ذنب بية جرح
وينلجم من اذكر اسمك
واني اريدة يطيب ونسة
وماافكر بعد ارسمك
كل عام وانت بخير لتكلي بعد
منين اجيب الخير بعدك
الاحبهم راحوا وماودعوني
وانت هم شنتظر منك
ماكلتلك روح بس انت رحت
ماحسبت احسابي من اشتاقلك
مثل ابوية ومثل امي
واني افكر عود اموت بداخلك
همة ماتوا وانت هم بية متت
بعد بيش احتاجلك
هسة تحجي واني اسمعك
وساكت اني الصالحك
خاف افك حلكي ويرد جرحي عليك
ولاتضن بجرحي عود يجاملك
الجام من ينكسر ماينلم بعد
شلون اضم كسرك واكول مصالحك
اني فاهم كلشي بيك
وصعبة تسالني واكلك فاهمك
بقلمي
عامر العراقي
حتى واني اقراك ساكت
صرت تحجي ومافهمتك
اتغير احساسي القديم
وهسة يمكن مااعرفك
لاتحملني ذنب بية جرح
وينلجم من اذكر اسمك
واني اريدة يطيب ونسة
وماافكر بعد ارسمك
كل عام وانت بخير لتكلي بعد
منين اجيب الخير بعدك
الاحبهم راحوا وماودعوني
وانت هم شنتظر منك
ماكلتلك روح بس انت رحت
ماحسبت احسابي من اشتاقلك
مثل ابوية ومثل امي
واني افكر عود اموت بداخلك
همة ماتوا وانت هم بية متت
بعد بيش احتاجلك
هسة تحجي واني اسمعك
وساكت اني الصالحك
خاف افك حلكي ويرد جرحي عليك
ولاتضن بجرحي عود يجاملك
الجام من ينكسر ماينلم بعد
شلون اضم كسرك واكول مصالحك
اني فاهم كلشي بيك
وصعبة تسالني واكلك فاهمك
بقلمي
عامر العراقي
