(ماكو مثل العراقية )
من تمشي بالشارع الكل تاخذ تحيّه
من تكَلّلهه: جنت مريض
شمحلاهه بحلكَهة: سوده عليّه
...
تتحملّك لو الحجّاج تصير
وتكَلّك: فدوه اروحلك احسبهه عليّه
كَلبهه چـِبير
يمكن اكبر من الملويه
أبد ما شالت خشمهه
اذا كَالت احبّك
يعني خلص
تصير لك حبيبه و صديقه و أم و أخت
و تخدمك و متكَول معليّه
وحتى لو ردت- تغسلّي رجليّه
متحب غيرك بعد
بس انت لتلوّص
تره هيه كلش ابيّه
بس صير انت زين وياهه و شوف
اذا تلكه مثلهه بهالزمن وفيه
تشيلك مثل ماي بالصينيّه
اني أحب العراقيه
مو لأن اني عراقي
لكن لأن بس هيّه التفتهم عليّه
واني شجاني و حبّيت سورية
كل ربع ساعة و تتمقلج عليّه
ساعه تكَلي شو انته ضعيف
و ساعه تكلي شو ما عندك شخصيّه
ولـﭿ بابه انتي شمفهمـﭿ شنو اني
انت ِ ماتفتهميني
انت ِ مو عراقيّه
عبالك راح أحب لبنانية
لا عيني لا
ما ريد وحده تتفيّك عليّه
كل شويه اتدزلي رساله:
دئّلي على الموبايل
مشان نحكي شويّه
يابه اني اريدن عراقيّه
اني اريد العين شيشه عسل
و اريد الشفه لون الورد ورديّه
واذا يمنه حلوه لبنانية
واذا كَمر 14 السوريّه
بس منين اجيبلهن دمّ العراقيه
منو بيهن تكَلك: بيّه ولا بيك
لو تكَلك: هاك اشرب ا لـچـَّاي من اديّه
ربهن دينهن كَالت الهدوم
و شوفلي البدي هذا حلو عليّه؟
وحدتهن تكَول قالب ثلج
متذوب لو الفين مئويّه
او اذا كَالت احبّك
من البرد يكَومن يرجفن اديه
و "اموت عليك"
بحلـگ العراقيه
عبالك نيزك من الشمس وكَع عليه:
من تمشي بالشارع الكل تاخذ تحيّه
من تكَلّلهه: جنت مريض
شمحلاهه بحلكَهة: سوده عليّه
...
تتحملّك لو الحجّاج تصير
وتكَلّك: فدوه اروحلك احسبهه عليّه
كَلبهه چـِبير
يمكن اكبر من الملويه
أبد ما شالت خشمهه
اذا كَالت احبّك
يعني خلص
تصير لك حبيبه و صديقه و أم و أخت
و تخدمك و متكَول معليّه
وحتى لو ردت- تغسلّي رجليّه
متحب غيرك بعد
بس انت لتلوّص
تره هيه كلش ابيّه
بس صير انت زين وياهه و شوف
اذا تلكه مثلهه بهالزمن وفيه
تشيلك مثل ماي بالصينيّه
اني أحب العراقيه
مو لأن اني عراقي
لكن لأن بس هيّه التفتهم عليّه
واني شجاني و حبّيت سورية
كل ربع ساعة و تتمقلج عليّه
ساعه تكَلي شو انته ضعيف
و ساعه تكلي شو ما عندك شخصيّه
ولـﭿ بابه انتي شمفهمـﭿ شنو اني
انت ِ ماتفتهميني
انت ِ مو عراقيّه
عبالك راح أحب لبنانية
لا عيني لا
ما ريد وحده تتفيّك عليّه
كل شويه اتدزلي رساله:
دئّلي على الموبايل
مشان نحكي شويّه
يابه اني اريدن عراقيّه
اني اريد العين شيشه عسل
و اريد الشفه لون الورد ورديّه
واذا يمنه حلوه لبنانية
واذا كَمر 14 السوريّه
بس منين اجيبلهن دمّ العراقيه
منو بيهن تكَلك: بيّه ولا بيك
لو تكَلك: هاك اشرب ا لـچـَّاي من اديّه
ربهن دينهن كَالت الهدوم
و شوفلي البدي هذا حلو عليّه؟
وحدتهن تكَول قالب ثلج
متذوب لو الفين مئويّه
او اذا كَالت احبّك
من البرد يكَومن يرجفن اديه
و "اموت عليك"
بحلـگ العراقيه
عبالك نيزك من الشمس وكَع عليه:
