رد: ما الكلمة التي تود قولها الان
أيام گبل چنا نشرب مي بقواطي فافون ، لأن المي بيها يكون بارد وطيب ..
وچنه من ننام بالسطح ناخذ ويانه قواطي مي مثلجه نشرب بيها بالليل ..
بس جدي چانت عنده قوطية خاصه اله ، يترسها مي ويصعد ويخليها يم راسه وميخلي واحد يشرب منها ، يگول هاي مالتي ماأريد أحد يشرب منها ..
فد يوم نمنه بالسطح وأني گعدت نص الليل عطشانه كلش ..
رحت على القواطي مال المي لگيتهن فارغات ، باوعت شفت القوطية مال جدي ، گلت يله هسه هو نايم شمدريه خل أشرب منها ..
رحت عليها وقربعت المي البيها كله ، لان چان بارد ويروي ، والحلو بعده بيه ثلج لان أشرب والثلج يطخ بسنوني ..
شبعت كلش ورحت نمت بفراشي ..
صار الصبح جدي شاف قوطيته فارغه گام يصيح !!
گال : ولكم منو شارب المي من قوطيتي ، وين أضمها منكم بعد !!
أبويه گله : يله ميخالف هسه قحط مي ، هسه نترسلكياها ..
گال : ولكم أني مو على المي ، بس هاي القوطية أنگع بيها سنوني التركيب ، الدكتور گلي خليها بالمي للصبح حتى لاتيبس !!
طلع جدي ميشرب مي بهاي القوطية ، بس خالها ينگع بيها سنونه ..
وأني أكووول شلون الثلج باقي للصبح وممايع ، طلع هذا مو ثلج هاي سنون جدي تطخ بسنوني ..
الله يرحمك يا جدي ، متت صارلك سنين بس طعم سنونك لهسه بعده بحلگي
أيام گبل چنا نشرب مي بقواطي فافون ، لأن المي بيها يكون بارد وطيب ..
وچنه من ننام بالسطح ناخذ ويانه قواطي مي مثلجه نشرب بيها بالليل ..
بس جدي چانت عنده قوطية خاصه اله ، يترسها مي ويصعد ويخليها يم راسه وميخلي واحد يشرب منها ، يگول هاي مالتي ماأريد أحد يشرب منها ..
فد يوم نمنه بالسطح وأني گعدت نص الليل عطشانه كلش ..
رحت على القواطي مال المي لگيتهن فارغات ، باوعت شفت القوطية مال جدي ، گلت يله هسه هو نايم شمدريه خل أشرب منها ..
رحت عليها وقربعت المي البيها كله ، لان چان بارد ويروي ، والحلو بعده بيه ثلج لان أشرب والثلج يطخ بسنوني ..
شبعت كلش ورحت نمت بفراشي ..
صار الصبح جدي شاف قوطيته فارغه گام يصيح !!
گال : ولكم منو شارب المي من قوطيتي ، وين أضمها منكم بعد !!
أبويه گله : يله ميخالف هسه قحط مي ، هسه نترسلكياها ..
گال : ولكم أني مو على المي ، بس هاي القوطية أنگع بيها سنوني التركيب ، الدكتور گلي خليها بالمي للصبح حتى لاتيبس !!
طلع جدي ميشرب مي بهاي القوطية ، بس خالها ينگع بيها سنونه ..
وأني أكووول شلون الثلج باقي للصبح وممايع ، طلع هذا مو ثلج هاي سنون جدي تطخ بسنوني ..
الله يرحمك يا جدي ، متت صارلك سنين بس طعم سنونك لهسه بعده بحلگي
