محمد حسن ضيغم
Well-Known Member
ما تلكه اليحبك مثلي لا هيهات
لان ما تلكه كلب ايشابه الكلبي
وماتلكه درب بي بس ورد مزروع
وانه بأيدي اخذتك من شفت دربي
وادريبك حنين وما محمل اذنوب
بس صدكني انت اتحمّلت ذنبي
جنت اول اسم ينرسم علشفتين
لو كمت او كفت ونادمت ربي
جنت اجمل عشك مرسوم عالوجنات
هسه بنار هجرك وجّرت لهبي
مسلم انت ماهزّك مصاب الصار
المسيحي ينوح كام الحالي والصبّي
ازرع والثمر للغير الف يا حيف
شكول الي عليهم ضيّعت تعبي
اكتبلك شعر كله عشك واحساس
عشكني بكد مااكتبنه الشعر شعبي
لاتخسرني احذرك واتعض من هاي
خطيتي بركبتك لو لو جه ولفه نحبي
لتخلّي الشماته اليوم عدهم عيد
لو شافوا اشكك بيدي كل كتبي