ما مقبولة منك كل الاعذار = و لامقبولة منك تجي وتبجي
من يوم العرفتك انت غدار = ولا فد يوم اذكر صنت عهدي
تجي يمي وتخدع كلب محتار = واني مصدك لسانك عسل يطي
حسبتك شمس تضوي على الازهار = وجروحي سماد ويه النهر يجري
شفت وجهك تشع من عنده انوار = بسواد الليل اكثر من الكمر يضوي
ضحكاتك بلابل وبالاذان اشعار = تخدع كل محب حتى الكلبه مجوي
سويتك كحل وعلى رمشي خطك جار = ويه دموع الحزن سال على خدي
ضنيتك وطن تعيش بيه احرار = بس اني اليتيم البيه كمت امشي وحدي
اثاري الحب صوت وعزفه بالاوتار = بس كلمات اسمع والحلم وردي
نشف حتى الدمع وطارت الافكار = ولساني ثكل كام ويه الكلب يهذي
جزع حتى الصبر من طاح الاستار = وانكشف وجهك الصدك الجنت تخفي
ضيم الجان بيه على غيري ماجره وصار = من لوني تعرف الناس سهري
كا هذا وكلت كلبي هو اختار = واستاهل سهام انبتت بضهري
