ما وفيــــت العهـــــد

[أوجاع ألظلام]

ما وفيــــت العهـــــد


ماوفيت العهد وبسرعه خنت


ونسيت عشرتنا ولحبي بعت


جنت ابيض صافي شو اسود صرت


وسفه ياما بحبك آني تفاخرت


الذنب ذنبي بمضهرك انخدعت


جنت اظنك ملاذ وبيك امنت


بس درت وجهي وبظهري طعنت


هذا درس وكافي آنه تعلمت


تبت من حبك الكاذب واستغفرت


خنت مره وكَـلت يرجع سامحت


وثاني مره هزني الشوكَـ وتصالحت


وثالث مره شفت دموعك ورحمت


وياما لأجلك حزن بكَـلبي شلت


ماتخليت بسهوله وتعاطفت


وشفت منك ضيم وكلشي شفت


هذا حدك كافي آني تدمرت


آني مو لعبه وبيدك صرت


انته وحبك والله من عيني طحت


ومثل كَـزازه متلتم انكسرت


بيش اصلحك شلون المك اطشرت


جنت شمعه وبيك الليالي تنورت


طلع نورك كاذب وبيه ظلمت


لأن ردتك وماغدرتك بيه غدرت


ولأن لأجلك صبر ايوب صبرت


تخون بيه هذا طبعك تعودت


وبنارك من جدمي لراسي احتركَـت



شنو انته مو بشر منقهرت؟


آنه مثلك دم ولحم انخلقت


مو حديد بشر يل ما شعرت


عندي احساس وعيوني دم بجت


ومتت ياناس من حبك صيحت


هذا مو حب ضيم وآنه شيبت


اون واسهر وبليلي تمرمرت


وعالفراش بذكرك ياما تكَـلبت


وانته ناسي و ويه غيري ارتبطت


وك كافي مو نص العراق عاشرت


مو كَـلب شايل عماره وحته شياب ريحت


وسفه بحبك كل شبابي ضيعت


وسفه منك غير الحزن ما ربحت


وسفه بحبك آني كلشي خسرت


وياما كاسات المرار شربت


ولأجل عيونك كل الدنيا صارعت


وعفت اهلي و ويه اصحابي تعاركت


ضمدت جروحك ومن جروحي تهربت


وعلى جسمي حروف اسمك دكَـدكَـت


ومثل للحب نكون احنا تصورت


واحلام حلوه من عهودك رسمت


وجنت امك وابوك واخ واخت


وبالنهايه اكتشفتك واستغربت


تخون حبي ليا ظالم انصدمت


ماوفيت العهد وبسرعه خنت


ونسيت عشرتنا ولحبي بعت



منقوول

 

[الشيخ]

رد: ما وفيــــت العهـــــد

حلو

اوجاع
مشكورة ع الجلب

 

[رمااد اانسان]

رد: ما وفيــــت العهـــــد

رؤؤؤؤؤؤؤؤؤعه يسلموووووووووووو
ارق تحيه

 

[أوجاع ألظلام]

رد: ما وفيــــت العهـــــد

شكرا للمرور

 

[الحلى مبتليني]

رد: ما وفيــــت العهـــــد

تسلمون وايد يامبدعين
الله يخليكم

 

[المشتاق]

رد: ما وفيــــت العهـــــد

[SIZE=+0]

[SIZE=+0]

[SIZE=+0]

[SIZE=+0]

[SIZE=+0]أبنتي المبدعة أوجآع الظلآم[/SIZE][SIZE=+0]

سلمت يدآكِ لهذه اللوحة الرآئعة
والقلآدة الجميلة
ذآت الإطآر السآحر
{{ ما وفيت العهــــــــــد }}
إختيآر موفق​

دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

[/SIZE]​

[SIZE=+0]
[/SIZE][/SIZE]
​

[SIZE=+0]
[/SIZE][/SIZE]
​

[SIZE=+0]
[/SIZE][/SIZE]
​

[SIZE=+0]
[/SIZE][/SIZE]
​

[SIZE=+0]
[/SIZE]