((متطرف ابحبك))

[آهاات حالمة]

((متطرف ابحبك))


نا ابحضرة جمالك ازهد العشاگ
متطرف ابحبك قافل البيبان
من تگبل علي سجاده اسوي الروح
وتوضه ابعطر لو شفت وكتك حان
اتعثر اگبالك بالجذب تمثيل
خاطر بالوجه تاخذني بالاحضان
ماجني حضنتك جني هذا اليوم
حاضن جنس حوه امننخلق للآن
تعله انفاسنه اونعرفهه ماهي انفاس
حمم خلص صبرهه اوتنذر ابركان
اويهب عالي الهوى اوشعرك عليه ايثور
شن ضدي حرب ماخله حسنك بان
يصعد عالوجه ويبوس الوجنات
انزله اعلى الزنود ايفصللهه اردان !
راح اغرگ ابشعرك لو ردت ماموت
دنيلي الشفايف ونقذ الغرگان
طولك مستقيم الدنيه تحلف بيه
بس خصرك فضحنه ابكل وكت سكران
معذور ايتمايل شرب كومه اعيون
هوه احنه النباوع صار عدنه ادمان
لاتوصل الحينه الناس ضجت بيك
شارعنه اشتكالي اوزعلو الجيران
انته اشعرفك سلمت وتعديت
ماتدري وراك اتطلگت نسوان
شباب البلطرف شيبو من شافوك
والشياب لبسو مودة الشبان
تعال اگرب حبيبي اذنوب عندي اهواي
اريدك ذنب اكبر تگلب الميزان
وسولفلك سوالف مالمسهن بال
وذبحلك غزل ميذبحه ياهو الجان
انا صاحب قصيده اتشبع الاحساس
موصاحب قصيده اتشبع الديوان
موصاحب قصيده اتشبع الديوان
​

 

[قيصر الحب]

رد: ((متطرف ابحبك))

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[MS.Shaghaf]

رد: ((متطرف ابحبك))

راقت لي كلماتك من أول عنقود لآخره



دمتي في حمى الرحمن



تقبلي وافر أحتراماتي

 

[آهاات حالمة]

رد: ((متطرف ابحبك))


شكرا للمرور العطر
نورتوا الموضوع
تحيتي لكم

 

[كيان الم]

رد: ((متطرف ابحبك))

مااجمل ماتحمله من احساس
كلمات تخترق القلب بصدقها
وتسلب من العيون كامل اعجابها
سلمت يمينك ياالق
يعطيك العافيه
لروحك السعادة
تحيتي