- كلي شصار بيك وبدل اطباعك ..
- صاير ماتجاوب من ادك عليك ..
- وبرد الرسائل خافت اشعاعك ..
- جوالك سكت لا مسج لا مسكول ..
- جان بكل دقيقة يفيض بأبداعك ..
- ياخذنا الوكت ونسولف آني وياك ..
- ونغرد سوى بألحان ايقاعك ..
- ولا يخلص حجينا وتخلص الساعات ..
- ويصفر رصيدك وآني سماعك ..
- كل يوم الصبح ترسل صباح الخير ..
- وبكل كلمة منها يفوح نعناعك ..
- جنت من دكة وحدة اهلآ حبيبي تصيح ..
- هسة المشترك لا يرد قد باعك ..
- حاول مرة اخرى المشترك مشغول ..
- بلكي بوكت ثاني يشرف اسماعك ..
- صاير هاتفك خارج نطاق الكون ..
- مو بس بالعراق ويصعب ارجاعك ..
- جنت اتكول اتمنى الزمان وياك ..
- يوكف وبحنان اتوسد اذراعك ..
- وتزعل لو كلتلك راح بعد اسبوع ..
- يتفرق شملنا ومشكلة اقناعك ..
- عشت ابحر حبك وانت بي سفان ..
- هسة ابحر هجرك شايل اشراعك
