متكاودين وعينّة على السمة..
ونغفه ونفز شما يطكنة الهوة ..
ونتلاكة ضحكة وعين ديرة خجل ..
والحلوة نلكة جفوفنة هم سوة ..
وياخذني زلفك واستحي وتستحي ..
تدنك وادنك والتهي بضحكتك ..
ناوي على موتة شما يفيض النهر ..
وانه الغشيم الفاض يم شفتك ..
البالصدفة ينحب تختنك لو مشة ..
وتشتاكلة شما طال بيك العمر ..
السهران ليله تميزة من الجفن ..
وجوه السنابل من تحمل سمر ..
ورداني بس مكفاك لمن كلت ..
مستعجل المن لاحك على الهجر ..
