مثل جدحة ضوه آندار الوجه ...
وآختلف طعم الليل ...
وهلال الحرير آندار ...
بالفرحه الجبيره وراح .
مثل طعم الوجع ليلي ...
ونكَش دمعي بمناديلي ...
وصفنتي والشذا الفواح .
وجع كَلبي ،
وجع فوك الربابه يسلطن ويرتاح .
وجع ذبّاح ،
وبعد طاريّك بكاسي خمر تفاح
يحطني كَبال المرايه القديمه ...
الظالّه آببالي .
أعاين لك وجه وضاح ...
وآشوغ وأشتعل كلي ،
أشوغ ويحترك ظلي ،
وآنت هناك ...
ماخذ كل مفاتيح الفرح ...
والندى والقداح .
أنت هناك ،
غزال آمن الضوه شارد ،
خايف بالضوه تنلاح .
ذبل غصن الفرح بالروح ،
ومتاني تجي بأول حرورة شوك .
تجي بعذوبة الشلال ،
بالبسمه الأذوب آمن الفرح بيها ...
وتبجّيني .
تجي بسوالف القداح ...
وآفرش لك نبض كَلبي ورد أبيض ...
وآكَلّك دوس خلني آرتاح ،
ابرّد روحي بفيايك ...
وآطفّي المشتعل بيّه .
أشمّك رازقي بالفيْ ،
وآكَول الحي يلاكَي الحي .
_القصاب
وآختلف طعم الليل ...
وهلال الحرير آندار ...
بالفرحه الجبيره وراح .
مثل طعم الوجع ليلي ...
ونكَش دمعي بمناديلي ...
وصفنتي والشذا الفواح .
وجع كَلبي ،
وجع فوك الربابه يسلطن ويرتاح .
وجع ذبّاح ،
وبعد طاريّك بكاسي خمر تفاح
يحطني كَبال المرايه القديمه ...
الظالّه آببالي .
أعاين لك وجه وضاح ...
وآشوغ وأشتعل كلي ،
أشوغ ويحترك ظلي ،
وآنت هناك ...
ماخذ كل مفاتيح الفرح ...
والندى والقداح .
أنت هناك ،
غزال آمن الضوه شارد ،
خايف بالضوه تنلاح .
ذبل غصن الفرح بالروح ،
ومتاني تجي بأول حرورة شوك .
تجي بعذوبة الشلال ،
بالبسمه الأذوب آمن الفرح بيها ...
وتبجّيني .
تجي بسوالف القداح ...
وآفرش لك نبض كَلبي ورد أبيض ...
وآكَلّك دوس خلني آرتاح ،
ابرّد روحي بفيايك ...
وآطفّي المشتعل بيّه .
أشمّك رازقي بالفيْ ،
وآكَول الحي يلاكَي الحي .
_القصاب
