محاورة بين حبيبين

[فقار الكرخي]

گالتلي انت العلمتني اشتاگ
والم شوفي التبده اوهام
علگد طولك حضن جرفين
وانت التظفر الضحكه غنه بروحي
وبطيفك تكحل عين
وانت العيشتني احسـاس
جسد واحد يلم روحين ..

گلتلها الصدگ مرات
اضوگج وي نفس ريتي
والم كل مستحاي بعين
واباوعلج لون جيتي
انتي التيهت ممشاي
ودليتي الجدم ع الصح
وانتي العلميتيني ارد ندمان
من اجرح
يسالفتي الخذاها الليل
ليل اخرس ولاصبح ..

گالتلي
الـ صدگ ع الليل يتفصل
ضوه الگمره
واجذب العين لوشافت تگبع غيم
وانزف مايه ع الصحره
شامرني بسواليفك
عكس كل عثگ موبحجار
گاطفني بحجي اعيونك
وعيشني ضـوه مابين عشگنه
وفرگة اسنونك
وواريني بطواريك نوارس بيض
وشيعني لسواجيــك بحجة گيض
وضويلي
الضوه من ايموت يتشيع على الضلمه
يازين الزلم وانعوم وانا بشاربك حرمه ..

گلتلها
احجيلي بهت لوني
اريد اتشيم ع الناس ياام
احجاية السمره
فهميني العطش والماي
مايلتمن بصحره
ولوليلي جهال براسي يتباجون
يـ ام گلبي تليتج ناس
واستنگيت ضحكاتج بواهس طير
وغشيت الشمس عن لااااااااااا
تلمح وجنتج واتحير
يبنيــه الوكت ياخذ ولاينطي
خايف من قدر الله
يجي الماتعب باله عليج
يگطع وردتي ويمشي ..

گالتلي افـه وياحيف
عشگنا من الله مو بالكيـف
خلقها اولام الله الگذلة لـ جفوفك
وترس عيني خضار ومــاي
وفرشهن
ملگه لـطيوفك
اخذني لوحشتك ضحكه
يـ جنك رازقي من اشتم طواريك
يسباح الدليل التاه واتمشـه بسواجيك
گصرت بكلامك ليـش .؟
موتدري يـ عاشگني
قسمتي الموت لو انتـــه ..






لـ ضياء كريم

 

[آهاات حالمة]

رد: محاورة بين حبيبين


طرح مميز
تسلم الايادي
ننتظر جديدك الرائع
ودي والتقدير

 

[الشيخ]

رد: محاورة بين حبيبين

محاورة رائعة

مشكور فقار

 

[المشتاق]

رد: محاورة بين حبيبين

أخي المبدع فقآر الكرخي

سلمت يدآك لهذه اللوحة الرآئعة
والقلآدة الجميلة
ذآت الإطآر السآحر
{{ محآورة بين حبيبين }}
إختيآر موفق
دآم لنا فيض العطآء
وللمزيد مِن الإبدآع والفن
تحيآتي الأخوية
مع بآقة ورد
​