محل يعگاب وكتك والشكاير بور
والناعور يصفر والدلو خالي
عطش وأتله المواسم صوهد بتشرين
لابشر بديم ولا نحر چالي
زيزاية حَماد وشح عليها الغيم
چا شلحگ عليها شينفع وشالي
بتبنها ولا توفي ولا تسد طَلاب
حاصل ما أريدن بس ستر حالي
وتعللني ونوالك مثل وسط سهيل
يبطي سهيل وآنا بحضن چتالي
نوالك چود منحر والوكت حدار
ما يلحگ بعد ما بالعمر تالي
وتساوت ما بعد بالروح مچمن للحزن خالي
ولو شح الرفيج وطول المطراش
چا ياهو اليوصل ليك مرسالي
آنا بعازة فزعتك يالفزعتك غيث
وذراع الگصير بعازة الوالي
عفاني وكاددت والعاتيات اثگال
ما خففن وزني وخفن اثگالي
بعمري ولا شكيت لغير شخصك حال
ولا انت بچلمة المنگود ترضالي
إذا نوبات غيضي يجاوز المعقول
وأثگب وأشتعل لا تنكد أفعالي
اشو مثل الرطينة وعندي مدري شلون
شيغلي الرخيص ويرخص الغالي
وتگلي أسكت وشوف المالهم بالطول
صارلهم مكان وگدر من تالي
عاد أزهگ وكت البالخرچ مضموم
وألحَج بالگباحة الراح والحالي
مهي ساعة وزة مطلوب بيها الغيظ
دخن والعتب خلي العتب تالي
الشاعر المرحوم عطا السعيدي
والناعور يصفر والدلو خالي
عطش وأتله المواسم صوهد بتشرين
لابشر بديم ولا نحر چالي
زيزاية حَماد وشح عليها الغيم
چا شلحگ عليها شينفع وشالي
بتبنها ولا توفي ولا تسد طَلاب
حاصل ما أريدن بس ستر حالي
وتعللني ونوالك مثل وسط سهيل
يبطي سهيل وآنا بحضن چتالي
نوالك چود منحر والوكت حدار
ما يلحگ بعد ما بالعمر تالي
وتساوت ما بعد بالروح مچمن للحزن خالي
ولو شح الرفيج وطول المطراش
چا ياهو اليوصل ليك مرسالي
آنا بعازة فزعتك يالفزعتك غيث
وذراع الگصير بعازة الوالي
عفاني وكاددت والعاتيات اثگال
ما خففن وزني وخفن اثگالي
بعمري ولا شكيت لغير شخصك حال
ولا انت بچلمة المنگود ترضالي
إذا نوبات غيضي يجاوز المعقول
وأثگب وأشتعل لا تنكد أفعالي
اشو مثل الرطينة وعندي مدري شلون
شيغلي الرخيص ويرخص الغالي
وتگلي أسكت وشوف المالهم بالطول
صارلهم مكان وگدر من تالي
عاد أزهگ وكت البالخرچ مضموم
وألحَج بالگباحة الراح والحالي
مهي ساعة وزة مطلوب بيها الغيظ
دخن والعتب خلي العتب تالي
الشاعر المرحوم عطا السعيدي
