محمد وكرار راحو .. ربي : ابراهيم وينه .؟ || بقلمي ||

[מـلـ♥ـڪ ألـבـ♥ـب ألـמـ♥ـدريـدي]

صباح الخير اعزائي

اقدم لكم قصيدتي المتواضعه بعنوان || محمد وكرار راحو .. ربي : ابراهيم وينه .؟ ||

اهداء لارواح ضحايا الانفجار الذي حدث في مقهى في منطقه حي العامل والذي ذهب ضحيته العديد من الشباب

وهناك امور شبيها بقصص داخل القصيده رغم بساطتها وقلتها

هي قصص حقيقيه من واقع حياة الضحايا الابرياء



ياا ربيي باوووع لحاال الشبااااااب

باوع لهالامهات شلون يتحملن غياب

راحو العرسان منهن شحجي اكثر ع المصاب

ربي فدواتك رحمتك لا تذب يمنه الغراب

ربي ماظل قلب بينه حتى قلب الحجر ذاب

ربي مثل الورد راحو وهسه نامو بالتراب

والله من الهم كضينه ربي اتگطمن ادينه

ندعي بس بالنيه احنه ربي بس اسمع حجينه

مانريد الذهب والمال ربي احنه اليوم اجينه

نريد بس امن وامان مانريد اجمل مدينه

مانريد ورود واشجار بس نريد الصحه لينه

محمد وكرار راحو ربي : ابراهيم وينه؟

خوتي بين ايدك امانه ربي ماعدهم حصانه

ماتو بتفجير قهوه مو خساره ببرلمانه

ومنهم الي اليوم عرسه وطالع حليو بزيانه

صلى يم موسى ابن جعفر ورجع اتلگه الخيانه

ومنهم بمدرسته بلش وحاير شيقره امتحانه

كعد يرتاح ويه خوته وانگلب بيهم زمانه

ربي فدواتك رحمتك هالشباب تريد جنتك

بالقبر ياربي نامو ربي تضويهم شمعتك

ربي اغفر كل ذنبهم ربي شوفهم معزتك

ربي صبر كل اهلهم ربي وارحمنا برحمتك


الاثنين 21/10/2013

11:42 pm

بقلمي : علاء كريم

احترامي

 

[قلب المحيط]

رد: محمد وكرار راحو .. ربي : ابراهيم وينه .؟ || بقلمي ||

موضوع رائع
متألق من اختيارك ومبدع من احساسك
فشكر لك ع تميزك

 

[מـلـ♥ـڪ ألـבـ♥ـب ألـמـ♥ـدريـدي]

رد: محمد وكرار راحو .. ربي : ابراهيم وينه .؟ || بقلمي ||

ممتن لتواجدكِ اختي الكريمه

انرتي متصفحي المتواضع

تحيتي

 

[الشاعر الرياضي]

رد: محمد وكرار راحو .. ربي : ابراهيم وينه .؟ || بقلمي ||

عمو الغالى
ممنون منك على القصيده المؤثره
الرائعه
ربى يوفقك
ويرحم شهدائنا
يارب

 

[وردة الصحراء]

رد: محمد وكرار راحو .. ربي : ابراهيم وينه .؟ || بقلمي ||

الله عليك اخي

ربي يرحمهم وان شاء الله يعم الامن والامان


على كل العراق والعراااقين

تحياتي

 

[Pгιиċεѕѕ Ńoυгнaη »❥]

رد: محمد وكرار راحو .. ربي : ابراهيم وينه .؟ || بقلمي ||

رحم الله شهداء العراق
احساس جريح
كتب بناي الجروح والوطنيه في ان واحد
شاعرنا الرائع علاء
رغم انسكاب الالم كعادك تفننت باداءك الاخاذ
لك الامتنان وقوافل الود

 

[F I R A S]

رد: محمد وكرار راحو .. ربي : ابراهيم وينه .؟ || بقلمي ||

رحم الله شهداء العراق
جزيل الشكر اخي الغالي
تحياتي

 

[هَدوَةُ لَيلْ]

رد: محمد وكرار راحو .. ربي : ابراهيم وينه .؟ || بقلمي ||

هل سمعت يوما ما بالحزن اللامع ؟

صدقا هو ذا المنساب من بين طيات قلمك يا مبدع

راقي بمعنى الكلمة و اكثر

بوركت اناملك اخي الغالي

 

[رومانسي بس منسي]

رد: محمد وكرار راحو .. ربي : ابراهيم وينه .؟ || بقلمي ||

عاشت الايادي اخي الغالي

علاء

وربي قصيده روعه

وتعور القلب

ممنون منك انا

 

[מـلـ♥ـڪ ألـבـ♥ـب ألـמـ♥ـدريـدي]

رد: محمد وكرار راحو .. ربي : ابراهيم وينه .؟ || بقلمي ||

ممتن لتواجدكم العطر اخوتي واخواتي الكرام

انرتو متصفحي المتواضع بعظمه مروركم احبتي

كل التقدير والاحترام لشخصكم الفاضل