مخنوك .. علاء كريم

[מـلـ♥ـڪ ألـבـ♥ـب ألـמـ♥ـدريـدي]

مساء الخير حبايب

شلونكم ؟ يارب تكونون بخير

قصيدتي المتواضعه اقدمها لحضراتكم ويارب تنال اعجابكم




مخنوك بكثر دمع السمه
بكثر الهوه
بكثر دعوات المريض
الرايد فلوس الدوه
بكثر دخان الجگاره
المايريد يفارگ احضان الگطف
وبكثر حسرات النهر
لمن يمر ع الجرف
وصرت ورگه
وبيه خنگه
وع الگلب ياما مطرت
بس تبقه حرگه
وصرت شجره اتهجرت من گاعها
وخصبه صارت
دورت ..!
بس ما لگت فلاحها
وصرت جاهل
سواله عركه و رد يصرّخ
اليوم اگطعهم لحم
بس من صفن
حيل انصدم
چي لگه حزام ظهره بلايا عم ..!
وصرت چن طير بقفص
بس ما يغرد ..!
كاعد من الغبشه يدعي
وبس يدور فرصه وحده
شلون يشرد ..؟
كل صبح ..
يگعد يون من الجرح
ومن انفتح باب القفص
باوع صفح ..!
رايد يهج
بس طلع مگطوم الجنح
وصرت ثچله
تريد عكازه ..
الگبر باگ وليدها
وچفها راح من اللطم
مامش عظم
تضرب ع الوجه حتى بعيدها
ومن وچدت ..
لگت بس عكازه
مامش ايدها ..!
هذا انه يا مُر الزمن
عيني خطيه شگد بچت
والله انعمت ..!
ومن كثر ميدوس الدمع
فوك الرمش ..!
جفون عيني نملت
ما اگدر افتحهن ابد
بس مره فتحت الفجر
كلت ارد اشوف انه الگمر
بس شفته شو مثل اللحد
گلت انتظر تطلع شمس
بلچن زماني ما يحس
وابقه انه اشوفن هالضوه
بس اشو ما طلعت شمس ..؟
طلعت دنيتي مظلمه
وماشوف هالدنيا بعد
وابقه انه عايش ع اللمس
بس يا لمس ..؟
وچفوفي مابيهن عظم
دم ولحم
والدم اظن اسود صبح
واللحم خاس من الالم
دمي سواده من الجرح
حتى الجرح هم منجرح
چي دنيتي
تضمد جروحي بفص ملح

بـقـلـمـي : عـلاء كـريـم

‏#3Laa

 

[أوجاع ألظلام]

رد: مخنوك .. علاء كريم

لربما كان الفراق من مصلحة الانسان عزل وجل قال .(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...)

مع مرور الزمن سينسى من كان ذاك ف المُحب لا يرحل ومن يرحلون لم يكونوا عُشاق يوماً

وهذهِ سنةُ الحيآة .+

نعود الى القصيدة

مُرتل أنت للكلمات حتى مشيت ک سليل غادق

كامل واصفاً أياكَ حالهُ بعد الغياب أو الرحيل ک مصطلح جاحظ

تألمتَ كثيراً فهذا هو طبع البشر يتألم أيا ليتهُ يتعلم ...!

الا القليل منهم والكُثر لا يتعظ اما ان المقابل يستحق

أو ان قلبهُ اغبى من عقلهٍ مع احترآميٍ لكُل العُشاق.+

كُنت انتظرُ منك حرفٍ في الفقرة الاخيرة لتعلو بقليل


من الكبرياء ولكن للأسف لم أجدها .+

على الرغم من ذلك حرفك مُنسق لأبعد الحدود +

ملك الحب المدريدي :

فاخر ما صنعتَ هُنا

نثرت لنا اروع الاجواء رغم الالم الذي يَحل على ارجاء شعركَ

وتذكرت بعض انماط الشُعراء سابقاً ذوي الشعرٍ الشعبي +

كانت كلماتهم هكذا البعض منهم بدون ضربة كبرياء

ليعرفوا وليقتنعوا ان الكاتب يتألم بدون تكبر أو غرور +


جيد وسلمت يداك +

 

[إيروس]

رد: مخنوك .. علاء كريم

الله عليك ...
شنو هل وصف !!!
رأيت الوجع بأشد الوجوه ألم ...ألمتنا بكل موقف لمست جرح .....
دام قلمك مدهش هكذا اخي ..

 

[▪ بعثرة حنين ▪]

رد: مخنوك .. علاء كريم

مقطوعة متوهجة أبدعت في نسجها
سلمت اناملك الرائعة
دمت متألقا ..

 

[الشاعرعامرالعراقي]

رد: مخنوك .. علاء كريم

علاء كريم

اصفق لك بحرارة

لجمال احساسك وروح كلماتك

ابدعت واكثر

باقات الورد اتركها هنا

 

[استاذ العاشقين]

رد: مخنوك .. علاء كريم

كلام جميل وعذب ..

بوركتَ عزيزي ايها الملك

 

[أنين الروح]

رد: مخنوك .. علاء كريم

رائع رغم الشجن


تقدير واحترام

 

[افوق الوصف]

رد: مخنوك .. علاء كريم

سلمت ودام التألق. .
تحياتي

 

[صاحب السمو]

رد: مخنوك .. علاء كريم

الاخ علاء

قصيده بمنتهى الروعه والجمال

سلم هذا القلم وهذا النبض

تح ياتي

 

[מـلـ♥ـڪ ألـבـ♥ـب ألـמـ♥ـدريـدي]

رد: مخنوك .. علاء كريم

لربما كان الفراق من مصلحة الانسان عزل وجل قال .(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...)

مع مرور الزمن سينسى من كان ذاك ف المُحب لا يرحل ومن يرحلون لم يكونوا عُشاق يوماً

وهذهِ سنةُ الحيآة .+

نعود الى القصيدة

مُرتل أنت للكلمات حتى مشيت ک سليل غادق

كامل واصفاً أياكَ حالهُ بعد الغياب أو الرحيل ک مصطلح جاحظ

تألمتَ كثيراً فهذا هو طبع البشر يتألم أيا ليتهُ يتعلم ...!

الا القليل منهم والكُثر لا يتعظ اما ان المقابل يستحق

أو ان قلبهُ اغبى من عقلهٍ مع احترآميٍ لكُل العُشاق.+

كُنت انتظرُ منك حرفٍ في الفقرة الاخيرة لتعلو بقليل


من الكبرياء ولكن للأسف لم أجدها .+

على الرغم من ذلك حرفك مُنسق لأبعد الحدود +

ملك الحب المدريدي :

فاخر ما صنعتَ هُنا

نثرت لنا اروع الاجواء رغم الالم الذي يَحل على ارجاء شعركَ

وتذكرت بعض انماط الشُعراء سابقاً ذوي الشعرٍ الشعبي +

كانت كلماتهم هكذا البعض منهم بدون ضربة كبرياء

ليعرفوا وليقتنعوا ان الكاتب يتألم بدون تكبر أو غرور +


جيد وسلمت يداك +

ممتن لحضرتج عزيزتي
شهاده اعتز بيها