مساء الخير اعضاء ومتابعين منتديات فخامة العراق
بدايةً كل عام وانتم بالف الف خيير
رمضان مبارك عليكم جميعاً
ربي يعيده ع الجميع بالخير والصحه والعافيه والستر
وتنزال هذا الغمه عن بلدنا العزيز ويرجع كل مفقود وغريب لاهله سالم غانم وربي يحفظ ويحمي العراق واهله من كل شر
اعود لحضراتكم بقصيدتي المتواضعه
بعنوان " مخنوگ "
يارب تنال اعجابكم
مخنوك بكثر دمع السمه
بكثر الهوه
بكثر دعوات المريض
الرايد فلوس الدوه
بكثر دخان الجگاره
المايريد يفارگ احضان الگطف
وبكثر حسرات النهر
لمن يمر ع الجرف
وصرت ورگه
وبيه خنگه
وع الگلب ياما مطرت
بس تبقه حرگه
وصرت شجره اتهجرت من گاعها
وخصبه صارت
دورت ..!
بس ما لگت فلاحها
وصرت جاهل
سواله عركه و رد يصرّخ
ايوم اگطعهم لحم
بس من صفن
حيل انصدم
چي لگه حزام ظهره بلايا عم ..!
وصرت چن طير بقفص
بس ما يغرد ..!
كاعد من الغبشه يدعي
وبس يدور فرصه وحده
شلون يشرد ..؟
كل صبح ..
يگعد يون من الجرح
ومن انفتح باب القفص
باوع صفح ..!
رايد يهج
بس طلع مگطوم الجنح
وصرت ثچله
تريد عكازه ..
الگبر باگ وليدها
وچفها راح من اللطم
مامش عظم
تضرب ع الوجه حتى بعيدها
ومن وچدت ..
لگت بس عكازه
مامش ايدها ..!
هذا انه يا مُر الزمن
عيني خطيه شگد بچت
والله انعمت ..!
ومن كثر ميدوس الدمع
فوك الرمش ..!
جفون عيني نملت
ما اگدر افتحهن ابد
بس مره فتحت الفجر
كلت ارد اشوف انه الگمر
بس شفته شو مثل اللحد
گلت انتظر تطلع شمس
بلچن زماني ما يحس
وابقه انه اشوفن هالضوه
بس اشو ما طلعت شمس ..؟
طلعت دنيتي مظلمه
وماشوف هالدنيا بعد
وابقه انه عايش ع اللمس
بس يا لمس ..؟
وچفوفي مابيهن عظم
دم ولحم
والدم اظن اسود صبح
واللحم خاس من الالم
دمي سواده من الجرح
حتى الجرح هم منجرح
چي دنيتي
تضمد جروحي بفص ملح
بـقـلـمـي : عـلاء كـريـم
احـتـرامـي
بدايةً كل عام وانتم بالف الف خيير
رمضان مبارك عليكم جميعاً
ربي يعيده ع الجميع بالخير والصحه والعافيه والستر
وتنزال هذا الغمه عن بلدنا العزيز ويرجع كل مفقود وغريب لاهله سالم غانم وربي يحفظ ويحمي العراق واهله من كل شر
اعود لحضراتكم بقصيدتي المتواضعه
بعنوان " مخنوگ "
يارب تنال اعجابكم
مخنوك بكثر دمع السمه
بكثر الهوه
بكثر دعوات المريض
الرايد فلوس الدوه
بكثر دخان الجگاره
المايريد يفارگ احضان الگطف
وبكثر حسرات النهر
لمن يمر ع الجرف
وصرت ورگه
وبيه خنگه
وع الگلب ياما مطرت
بس تبقه حرگه
وصرت شجره اتهجرت من گاعها
وخصبه صارت
دورت ..!
بس ما لگت فلاحها
وصرت جاهل
سواله عركه و رد يصرّخ
ايوم اگطعهم لحم
بس من صفن
حيل انصدم
چي لگه حزام ظهره بلايا عم ..!
وصرت چن طير بقفص
بس ما يغرد ..!
كاعد من الغبشه يدعي
وبس يدور فرصه وحده
شلون يشرد ..؟
كل صبح ..
يگعد يون من الجرح
ومن انفتح باب القفص
باوع صفح ..!
رايد يهج
بس طلع مگطوم الجنح
وصرت ثچله
تريد عكازه ..
الگبر باگ وليدها
وچفها راح من اللطم
مامش عظم
تضرب ع الوجه حتى بعيدها
ومن وچدت ..
لگت بس عكازه
مامش ايدها ..!
هذا انه يا مُر الزمن
عيني خطيه شگد بچت
والله انعمت ..!
ومن كثر ميدوس الدمع
فوك الرمش ..!
جفون عيني نملت
ما اگدر افتحهن ابد
بس مره فتحت الفجر
كلت ارد اشوف انه الگمر
بس شفته شو مثل اللحد
گلت انتظر تطلع شمس
بلچن زماني ما يحس
وابقه انه اشوفن هالضوه
بس اشو ما طلعت شمس ..؟
طلعت دنيتي مظلمه
وماشوف هالدنيا بعد
وابقه انه عايش ع اللمس
بس يا لمس ..؟
وچفوفي مابيهن عظم
دم ولحم
والدم اظن اسود صبح
واللحم خاس من الالم
دمي سواده من الجرح
حتى الجرح هم منجرح
چي دنيتي
تضمد جروحي بفص ملح
بـقـلـمـي : عـلاء كـريـم
احـتـرامـي
