مدري شبيه صاير مااشتاق الكم

[mohammed.shams]

مدري شبيه صاير مااشتاق الكم​

كلمات الشاعر علي المنصوري -​

شعر حزين فراق 2022​

مدري شبيه صاير ماشتاق الكم
وتنذكرون يمي وما أحن الكم
گالولي خطية وحالكم تعبان
واريد ابچيكم واذكر مواقفكم
تطعنوني واضل اشتم ابخنجركم
تره معذور بي ريحة من اصابعكم
بعد مو ذاكه انه المن تكتبون
گبل لا يقره يشتم بـرسايلكم
كل الغلط ببه وصرتو مغرورين
انه الغلطان لو انتو اعتذر منكم
لو عاشگلي حايط چا فهم معناي
بس فهموني الله منين خـالقكم
تزعلوني واگولن مااصـالحكم
ومن هالساعه لازم ابتـعد عنكم
مو زعلان ادري شبيـه اذكركم
مو بس هاي كلساعه أرد اخابركم
ويجي باچر ولمن اوگف ابصفكم
تبتسمون وما اعتب واسامحكم
لا عندي ارادة انساكم وارتاح
ولا بيه بخت يگدر ايرجعكم
أم الفد ولد وبيوم عرسه يموت
مثل هذا الوجع چنت انوجع منكم
بس غير انه ساكت غير اگول اعزاز
اتحمل بالألم بس مااحسسـكم
تذبحون امنياتي واستحي منكم
مااموت ابسهولة وخاف اتعبكم
اتخيل الموقف انه وصوركم
ومن الصورة اجركم خاطر احضنكم
اذا تلاگينه لتحضنوني انصحكم
تره تنور شوگي وخاف يحرگم
يگلبي اشـهـالتنـاقض !
كافي من التناقض ياگلب شتريد
لهسه وماعرف يكرهكم يحبكم
ناقصني قرار وجرأة حتى ارتاح
واشگن صدري وانتو وگلبي اطلعكم


علي المنصوري

 

[غزل..ᥫ᭡]

..


مَجهودَ عَذب ..!!
عطآء انيقَ وحضور صآخب
سلة من الوردَ وآنحناءة شكر لسموك .."

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير