مدونةعمكم ابو مناف البصري

[ابو مناف البصري]

وكت غبشه المحت خده قدح لاي
ريم ابرشق من يمشي قدح لاي
كون املي عرگ زيجه. قدح لاي
أظن مضمى لمه ايگطرون بيه

حيدر صگبان الحچامي

 

[ابو مناف البصري]

موس وعساه أطباگ ويگص@ لهاتي
أهون وللمنتوف ماگول@ أغاتي
ألشاعر/ سيد مطشر ألحسيني ألذبحاوي

 

[ابو مناف البصري]

لكِ وحدكِ اكتُب
صغيرتي ...

ونين الباع مــن غصبن كليته (الكُلى)
وبيدر مـــن وجع لجلج كليته (اكل)
نذرت العمر لعيونــــــج كليته (كله)
واخاف يضيع من ايدج وديه

اخافن لـو دنت نفسي وكليته (اكل)
فديتـــه اللابس جناغ وكليته (كلاو)
بيـــــــده العمر سلمته وكليته (وكاله)
محامــي وحاكم وسجان اليه

علي الشايع
اود افضفض عن هم يشاغلي

 

[ابو مناف البصري]

من كل كلب ولسان
صبتلك الجاي
اوبحله الكلام اتكول
للرايح اولجاي
الشاعر ابو فاضل الناشي

 

[ابو مناف البصري]

وحگ موسى وعصاته وبر بالماي
استچن بالنوح بعدك وبر بالماي
طحت من عدي نمنم وبر بالماي
بنهر ودوارتك صعبت عليه

حسن دخيل

 

[ابو مناف البصري]

اكو نســـــــــــــــــــوان فوگ الزلم يــــــــــرهن

ثگيــلات وصعب للشيـن يـــــــــــــرهن

واكو ارجـــــــــــال ابشرف نسوان يــــــــــــــــــــــرهن

لان منقـــــــــــــــوص من غيــــــــــــره وحميــــــــــــه

ابو رسول الحلفي

 

[ابو مناف البصري]

انه ال مامدوا اخوانه يد العون

و لا اهلي ابزغر چانوا يدلعون

انه ال بل ملگه من ذول ال يدلعون

و يلاگي اعداه حاضر للمنيه

ابو رسول الحلفي

 

[ابو مناف البصري]

النوايب حيل دهري وياي. شداه
كلتله احزام اريدك كام. شداه
وبنده من رفيع الخوص. شداه
بعدني أول طريجي وفلت بيه

أمجد الحمداني

 

[ابو مناف البصري]

أشگد حقير ألعوز ماعنده/ نوماس
يخجل ألبشر مرات
ويدنگ/ألراس
ألشاعر /سيد مطشر ألحسيني ألذبحاوي

 

[ابو مناف البصري]

لكِ وحدكِ اكتُب
صغيرتي...

الك شايـــل جبل يسمر محنه (حنين)
عيونــك كل اسم غيرك محنه (مسحنه)
سمارك للخلگ صايـــــر محنه (حيره)
ونه خشيمك يعمي العم عليه

كحل. ليل الرمش جفك محنٌٌه (حنه)
يبـو گلب الذهب شايـل محنه (حنيه)
رموشك ياتـــــرف همي محنه (مسح)
ويهل العيد مـــن تضحك إليه

علي الشايع
أود افضفض عن هم يشاغلني