مدونةعمكم ابو مناف البصري

[ابو مناف البصري]

محبس رزق مافاد لافادت حروز
أگلبها ثلث مرات دشداشة ألعوز
ألشاعر/ سيد مطشر ألحسيني ألذبحاوي

 

[ابو مناف البصري]

شـري ماينجر؏ بـالكـاس داروه
إلـي والـبـال مـدري ويـن داروه
عليل او حـالي كلش زين داروه
عـدل بفـراشـي ويغمضـون بيـه

الشاعر نسيم الخليفاوي

 

[ابو مناف البصري]

سوربو بالغربيل ربعي اوشلتهم
والمشكلة امن العين طاحو شفتهم
عمار الشبلي

 

[ابو مناف البصري]

وحگ العلأ .بسابع سما لواه
كسر حالي زماني وحيل لواه
ردت موتي يلاهي ابساع لواه
كلب مالي بعد يحمل إذيه …
فيصل الركابي

 

[ابو مناف البصري]

اشتظن نهيــد نسكت و نسه حگنه

لفـانه العوز منكـــــم و نــــسـحــگـــنه

ابوناسه انـت وحـرام ال
ونســه حگنه

نعيش ابضيـم كل صبـح و مســــيه
======
وحـــــــگ اللي علــــــــى الهامــــــه يد گـــــون

النواقـــــص دومهـــــــم بيـــه يد گــــــــــــــون

اجـــــــوني الظهـــــــر مو غبشـــه يد گون

ابثقيـــــــــــل وهمــــــر شـو هـــــــــــدوا عليـــــــــــــــه
======

ابو رسول الحلفي

 

[ابو مناف البصري]

يگلبي جنت خالي هموم ـ ـ ـ شملاك
دخـانـك تفــوح الجـار ـ ـ ـ شـم لاك
ما يلتــم بعـد هـيهات ـ ـ ـ شـملاك
مع الأحباب وتتلاگـه ـ ـ ـ سويــه

گلبي على الأهــــات أدمـَن تعوَد
ما أكشخ بأي لون بس لون الأسوَد

قلــــــمي
أبو صلاح البيجواني

 

[ابو مناف البصري]

حيل اوجرن وياي سود اليالي
ياربي اريد انخاك ترحملي حالي

 

[ابو مناف البصري]

من كلبي أخذ شريان وتنفس وياي
ميت وأموت عليك هم سامع بهاي

 

[ابو مناف البصري]

ذبني على جمر النار امشي بجساره
بس ما أضل محروم من الچگاره
...................................
ما ارهم على اثنين مدمن عليهن
الولف و التدخين مو روحي بيهن
....................................
بالجنه لو طبيت ما رايد الحور
انطيني بس باكيت و انطيك القصور
.................................
علي حسين

 

[ابو مناف البصري]

مهما امتد عمر الصداقة،
فلن تستطيع تقييمها إن لم تعبر ظروفاً حرجة مع صديقك ..

وحدها المواقف الصعبة هي التي تكشف معادن الناس ..
الصداقة مسمى لشخص معك بكل الظروف،
وليس حسب الظروف ..
لذا، بين حين وآخر .. أعد ترتيب أصدقائك حسب المواقف والوفاء،
وليس حسب حروف الهجاء"