مدونةعمكم ابو مناف البصري

[ابو مناف البصري]

البشـر انـواع لـكـنـهم ... بشر هم
مـنـهـم ربـك إبـجـنــه ... بشرهـم
وجهـنـم نـوع مـاليهـا ... بـشـرهم
ومنهم نوع هم خير البريـّـه
~
قلمي
عدنان عبيد العطيـّـه

 

[ابو مناف البصري]

تولاني الدهر دك رفس بط راك
صكعني فوك راس الهام بطراك
يكلي اطلع هذاكه الظيم بطراك
اشل حالك لمن تدنه المنيه
قلم كاظم الزاملي

 

[ابو مناف البصري]

انه بطوري تغني الخلك.=وناي
بحزن مالج يدنيا يواش = وناي
ماعبره اخاف عليك =وناي
السبب طوري غير طورك جيدنيه
،،،،،، ==============،،،،،
جريب اكرب من الحاجب= لعينه
عزيز انته وعلى فراكك =لعينه
على ظنك يهل تنشد =لعينه
حملك والموده ذيج هيه
ابو سجاد الماجدي

 

[ابو مناف البصري]

قال
ماجد الصكار الغزي
چنت راعي ودك بالناي ..لشتاي
بأمان وچيلت بصيف ..لشتاي
تكطع كطعوها بليل...لشتاي
اچل لدود ماخلوش ليا
اقول

وحك الخله رحلت صيف لشتاه
دليلي ابوصله وياي ____لشتاه
راح العن ابوج وابو ____لشته
وحط شمهوده بس تلطم عليه
قلمي
بشير الجابري

 

[ابو مناف البصري]

في الابوذية قلت
اعجزت وياك يادهري بكافاك(بكى فيك )
دمعي وكل مصيبة امست بكافاك
سبحةانه وخرز صارت بكافاك
انت مرتاح والطگ صار بية
رافع العرد السعيدي

 

[ابو مناف البصري]

وحگ الطاهره الحره وامي بيها
الدنيه ابعيني وسعه وامي بيها
عبايته بخت بيتي واومي بيها
على الله ويستجاب الله عليه
ياسر سامي الفريجي

 

[ابو مناف البصري]

جرعتك ياصبر رغم المرار البيك
وكالولي الصبر للفرح مفتاح
يادنيا بعد ما بيه كل حيل
خلص عمري عذاب شوكت ارتاح
اصبح بصوت والدمعات بالعين
ومحد يسمع المهموم لو صاح
اريدك هسه يمي وليش ما جيت
تعال وخلي كل الحزن ينزاح
ذبل عودي بغيابك والهجر طال
وكلشي حلو بيه من رحت راح.
.

 

[ابو مناف البصري]

شتظن جفني بغيابك عود سلهم
خذو كلشي ونسو بالروح سِل هم
شوف الناس هاي و كوم سلهم
بغيابك عين ما غمظت ليه
..
حيدر الغانمي

 

[ابو مناف البصري]

بقت ليله ابحضنكم خل ابتها

واحلفك لا تگطعــــه خله بتها

نظيفه و ما حوتـــلك خلـه بــــــتها

على الضحـكات تهـموها ابـرديه

٠٠٠٠٠٠٠٠٠
بعد التهديد
======
حفـــــرلي ابقـــــزمتي
و فاسي
و مســــحـــاي

و نهــــاني ما امــــس ميـــــت
و مــــــــس حـــــاي

يگـــــلـــــي احــذف كلام امســك
و مســـــحاي

حكـــــــومه احنــــه و نبــــــــــوگ ابكـــــــــل تقيه

ابو رسول الحلفي

 

[ابو مناف البصري]

يلداي
عفه روحي بصبرها شكثر يلداي (الجلادة)
بده آمن العظم بيها أوصل يلداي(الجلد)
شعندك بعد ماظل جسم يل داي(المرض)
أتوكل عوفني يتني المنية