مدونةعمكم ابو مناف البصري

[ابو مناف البصري]

يــبث مـــن روحــه ليــه من شبكته
وطحت ماشوف اخلص من شبكته
تــــدري اشـصــــار بيـــه من شبكته
اثــــر زنـــــده ليـهـــسه ضــــال بيه

لـ حسين كرماش

 

[ابو مناف البصري]

ربعي بطيب دومي.......باديلهم
بدو لوصارو صرت...... باديلهم
حبوب لگلب منهم....... باديلهم
بسبب مامنهم بعد بس الاذيه...
ياسر الفريجي

 

[ابو مناف البصري]

اهنا يلي بنيت الروح.... وجدار
وعله مغزه الليالي بعود.... وج دار
بحديثه مافطنه شكال...... وجدار
بعكله ومسح كونين بيه........
سجاد الصالحي

 

[ابو مناف البصري]

حت الصخر خدي الدمع حتاه
وبعد مابيه اجر اجفاك حتاه
عمر حزنك گضه وياي حتاه
حزنك أوفه منك صار إليه

شؤن شنحب شجر شبچي شهل هل
أبچي إوعل أذل ينذل شهل هل
وشضحك شطرب وشفرح شهل هل
اذا ولفي وخذوه من بين اديه

انور الخير

 

[ابو مناف البصري]

يصاحب ميز الثابت من المال
ليباري الخوه احسن من المال
المواقف للزلم. تغني من المال
مده الفلس والموقف تجيه.
ياسر الفريجي

 

[ابو مناف البصري]

لون ندري ال
وصلكم
ما لحينه

و لازاد اب مسيه
مالحينه

ل تظن ال عنبكم
ما لحينه

لحنه و عفنه دارينه ال خويه

ابو رسول الحلفي

 

[ابو مناف البصري]

غضــــب ينــــزل عليهــــــــم لو زعل عبـاس.
واليـــــوصلـــــــه فـــــنه وحـــــار ماينجـاس.
قيــــاسا بالزلــــــــم المثلــــــه ماينقـــــــــاس.
جــــــوه المعصــــــــــوم وشيـــــــــل ايـــدك.
حيــــــــــدر ناصـــــر البـــــزونــــــي

 

[ابو مناف البصري]

نحل جسمي يصاحب صف سل با
زماني اشهر سيف الرده........ سلبا
جره دمعي ابوادي الحزن.......سيلبا
تلاطم روج اوسفح برض الوطيه
..... ابو اسعد الغانمي

 

[ابو مناف البصري]

يگلبي اترك عتابك. ماكو داعي
وبعد بسك تحبهم. مأكو داعي
انكشف كلشي وتبين ماكو داعي
يمثلون. بمحبتك. مسرحية

المختار التميمي

 

[ابو مناف البصري]

مامش دوه لجروحي..... ولفهن
كطع عنهن ولاعاود......... ولفهن
بجفن كافور اعلاجهن..... ولفهن
لحد مايرجع ولفي عليه

ابو حسن الزاملي المهوال