مدونةعمكم ابو مناف البصري

[ابو مناف البصري]

اخوتك لاتعابيهم ومرهم
اوطيع الكل اوامرهم ومرهم
همه الضمد الجروحك ومرهم
وهمه حزام ضهرك بالدنيه

 

[ابو مناف البصري]

أنه بعيوني أسولف و أفهم الناس
مـا محتاج تشـرحلي ظـروفك
عفتنا ، و من عفتنا ما نسيناك
و چفنا الما رضه يفارگ چفوفك
گبل بس بـ الأحزان تهل العيون
حنه و بـ الدمع وك گمت أدوفك
اذا انتَ جرح ما أريدك تطيب
أروف بـ صفـك و لا ما أروفك
و اذا تطلب عيوني و داعتك هاك
عمت عين العيون الما تشوفك

 

[ابو مناف البصري]

فراكك هيج اجروحي.... ولمهه
اليتامه اشلون اجمعهه... ولمهه
زينب لا ابو الحاضر... ولمهه
وحيده اليوم برض الغاظريه
اميري علي

 

[ابو مناف البصري]

يوسفه ايام عمري الراح مـاظن
إوياك وغير ظن الطيب مـاظن
ياهو الگال شوگك صار مـاظن
يمـن حبك نفس ويـدور بيـه
(وميض الشمري)

 

[ابو مناف البصري]

رجيــــــج الشكــــــــر وسط الچــــاي رج لاي

زمـــــانـــي ورد علــــيـــه
و عــــــاب رجــــــــلاي

صـرت مثـل
ال تسمي اگــــــعيـــــــــم رجـــــــــلاي

انعـــــــم الله اعـــله ال هـــــــــــــدم ساتــــر عليــــــه

ابو رسول الحلفي

 

[ابو مناف البصري]

سهمك ماخطاني وصاب بل فات
بدليلي وقايسه مقياس بالفات
تگلي مانسولف بعد بالفات
دطلع سهمك وسولف عليه
محمد نوري

 

[ابو مناف البصري]

اليه فرح يوم الوكت ماچال
ومن مگاطف الحسرات ماچل
الهضمني مو غريب الزاد ماچل
ابيتي وكثر الطعنات بيه
سعد عزيز

 

[ابو مناف البصري]

صديجك لو بغيته ايدوم در باه
أمش وياه خله ايشوف درباه
لون شفته ثجيل الوجه در باه
يقين اوياك مو صاحب خويه

حيدر صگبان الحچامي

 

[ابو مناف البصري]

بچيت أولا منهم .. كَف كَفالي
الدمع؛ بسك يجفني.. كُف كَفالي
أما يكفي بجفاهم .. كَف كَفالي
النظر؛وامسه النهار اظلم عليّه
مالك السرحان

 

[ابو مناف البصري]

اطبي من السراب اصبحت.. ودلي
ســراب ولاحـصل بـالـربـع..... ودلي
يـلاهـي كـون هـيچ تـعگـب.....ودلي
ملك،،، مـنك،، يـگش،،، الظـال،، بيه
ل محسن العوادي