مدونتي بالصور..

[العـ عقيل ـراقي]

رد: مدونتي بالصور..

شمدريني بحجي اعيونك
حزن رمان ما ينشم

 

[العـ عقيل ـراقي]

رد: مدونتي بالصور..

شمدريها الناس الها التشوفه
شمر حسنه وبقت بس اطيوفه
تعال اكدر طولي وي طولك
يا طعم مشمشه غافي بسالوفه

 

[العـ عقيل ـراقي]

رد: مدونتي بالصور..

شحلاتك من تمر عله البالي
تاخذ حته عافيتي..

 

[العـ عقيل ـراقي]

رد: مدونتي بالصور..

لاتدوخ بحلاة اشفاك
وحدهن من الله ينگطن
عسل..

 

[العـ عقيل ـراقي]

رد: مدونتي بالصور..

بيهن خبصة لو يمرهن الشوگ
وانتي الشوگ بيه خبصه
لو حجوا بطاريج

 

[العـ عقيل ـراقي]

رد: مدونتي بالصور..

شهل المنافر والسماحة
انطي من زودك حلاتك
نفس راحه..

مظفر النواب

 

[العـ عقيل ـراقي]

رد: مدونتي بالصور..

يهنياله النام بسدك
وتلوح گمرنه فوگ
رچفات الچفوف
وانته بزوية الحجرة
تدور شمع
وانه كلي رازقي
وأچلچل فوك
المشيم بشامته..

 

[العـ عقيل ـراقي]

رد: مدونتي بالصور..

مو سهله الي يضيع ولف
وانته بظفيره منك
تسوه كل فرعنه
ويريتك تظل للدوم
ذاك الي أعطشه
وهو الماي والشهگه

 

[العـ عقيل ـراقي]

رد: مدونتي بالصور..

اوف هي تحجي وماخذها النفس
والشهگات تلملمن يمها بلا حس
تگلي بهيده من تفتح الزيج والدگم
وك شامتي لغيرك ما شافت شمس
تحط بواهس أيامنه الراحنه هضيمة
بلا حضن ولا شبگة ولافرحة عرس
بهيدة سولف وي النهده مربرب حسن
ومحتام ينظگ عليك مباوس عرس
خطية ارويحتي اتعوفها كاتلها السهر
وادريبك تسهر وتشتاگ وبيه تحس
تعال بكل البيك جمري انخطف لونه
وصرت ادور اعليك بسوالف أمس
تعال اعلگلك الشمعات وارشلك نده
فوك اشفافك المجمرات شهوه بالنفس

عقيل العراقي

 

[العـ عقيل ـراقي]

رد: مدونتي بالصور..

ردنه انشوفك
خلي انشوفك
كون انشوفك..
رخيصة كلش العيون
وتغله بشوفتك
خلي انشوفك..!!