الراحل كاظم إسماعيل الكاطع مرثيّة العام الدراسي"
بده العام الدراسي وبدت الهموم
وبيتي عالمدارس بابه صاير
نسيت وداعتك جيت اشتري هدوم
ألك ومحضّر أقلام ودفاتر
مو تسمع قيام وليش ماتكوم ؟
ومر اسمك ولا من كال حاضر
الشمس طلعت علينا ومو وكت نوم
وهم عدكم صبح يهل المكابر
وهم عدكم ضوه وشباچ ونجوم
وهم ينطونكم واجب لباچر
الوالد بالوداع يصير مهموم
وانا اثنينهن والد وشاعر
خيلك طشرتني وچنت ملموم
وصارت طيحتي بين الحوافر
اذا عشرين يوم وما شفت نوم
شيظل بالحيل بالعشره الاواخر
فراش الفاتحه لو شفته ملموم
بنص كلوبنا تلگه الچوادر
يمنه المصبغه ودينه لهدوم
الحزنك مشترينه قماش حاضر
تمنيتك جرح كل ساع ملچوم
وتبات الليل بشفاف الخناجر
انا يا بوي من ونيّت مالوم
نزل مني دمع يعمي النواظر
خدودي تعودت تتنده كل يوم
وتحب الماي خشبات الكَناطر
لمت الروح بس شفادني اللوم
شلحك! وبسفينة الموت عابر
المنايا عالسطح وعيونها تحوم
عليك ونزلتلك نسر كاسر
ستر الله نغگ بديارنا البوم
اخذ عين الكلاده وراح طاير
ديني حلاتك يا حلو الرسوم
بلكي انعشگ دنيانا مظاهر
اظل كاظم وصبري وياي مكظوم
لو ما هالخشب جوه الاظافر
اهن كاسين بيهن كاس مسموم
خاف اغلط وبالمسموم اكاسر
بعنه البيت ريت البيت مهجوم
وريت اكثر بعد من هل الخساير
تحب انت اللعب والگبر ملموم
شلون تحملت وشلون صابر
وليش من الهوى يابوي محروم
ونسمات الهوى تطيب الخاطر
منهو؟ الشوفك صورة المعدوم
وليش تعلكت ياشاب يا قاصر
ما ظنيت زرعي يروح فد يوم
وعصافير الحزن تگضي البيادر
من اكتب قصيده تزيد الغيوم
ومن عيني الدمع يملي الدفاتر
يبقى بهل مطر ياشعر منظوم
نصاري الحسين وبحر وافر
كاظم إسماعيل الكاطع
بده العام الدراسي وبدت الهموم
وبيتي عالمدارس بابه صاير
نسيت وداعتك جيت اشتري هدوم
ألك ومحضّر أقلام ودفاتر
مو تسمع قيام وليش ماتكوم ؟
ومر اسمك ولا من كال حاضر
الشمس طلعت علينا ومو وكت نوم
وهم عدكم صبح يهل المكابر
وهم عدكم ضوه وشباچ ونجوم
وهم ينطونكم واجب لباچر
الوالد بالوداع يصير مهموم
وانا اثنينهن والد وشاعر
خيلك طشرتني وچنت ملموم
وصارت طيحتي بين الحوافر
اذا عشرين يوم وما شفت نوم
شيظل بالحيل بالعشره الاواخر
فراش الفاتحه لو شفته ملموم
بنص كلوبنا تلگه الچوادر
يمنه المصبغه ودينه لهدوم
الحزنك مشترينه قماش حاضر
تمنيتك جرح كل ساع ملچوم
وتبات الليل بشفاف الخناجر
انا يا بوي من ونيّت مالوم
نزل مني دمع يعمي النواظر
خدودي تعودت تتنده كل يوم
وتحب الماي خشبات الكَناطر
لمت الروح بس شفادني اللوم
شلحك! وبسفينة الموت عابر
المنايا عالسطح وعيونها تحوم
عليك ونزلتلك نسر كاسر
ستر الله نغگ بديارنا البوم
اخذ عين الكلاده وراح طاير
ديني حلاتك يا حلو الرسوم
بلكي انعشگ دنيانا مظاهر
اظل كاظم وصبري وياي مكظوم
لو ما هالخشب جوه الاظافر
اهن كاسين بيهن كاس مسموم
خاف اغلط وبالمسموم اكاسر
بعنه البيت ريت البيت مهجوم
وريت اكثر بعد من هل الخساير
تحب انت اللعب والگبر ملموم
شلون تحملت وشلون صابر
وليش من الهوى يابوي محروم
ونسمات الهوى تطيب الخاطر
منهو؟ الشوفك صورة المعدوم
وليش تعلكت ياشاب يا قاصر
ما ظنيت زرعي يروح فد يوم
وعصافير الحزن تگضي البيادر
من اكتب قصيده تزيد الغيوم
ومن عيني الدمع يملي الدفاتر
يبقى بهل مطر ياشعر منظوم
نصاري الحسين وبحر وافر
كاظم إسماعيل الكاطع
