مزن
دخيل الله اشبعد؟ خلّصن سبع سنين
تاريخ النفاذ لغيبتك قد تم
سنابل يابسات وخلصن الحبّات
ومخازن جفن عيني فرغت امن الدم
نسيت اسمك مزن لو ادري ما حلمان
تعال امطر ..بعد والكعبة ما أحلم
لو ادري الحلم تفسيره راح اتغيب
جا ما نمت ساعة ولا جفن سلهم
ولك صبري انصلب وابراسة ياكل طير
وعصرة خمر روحي انعصرت امن الهم
وقحط طكهن جروحي ابعرض قحط النيل
بحبال ومرادي اخياط ماتلتم
وشيلمهن افراحي المثل صفط اوراق؟
وعواصف حزن جتهن شايلات اخيم
سمان احلامي جانت سارحة ابطرواك
وعجاف اسنين هجرك بالسمن تلهم
تل هم صار خدي وكعدن الحسبات
عالتل بنتظارك شيبهن خضرم
تعال امسح جمر بعيون مبيضّات
لدّور دمع ماضل دمع يفهم
واصفن عالدرب كل صفنة عمر آمون
وصفنة اتكل لختهة البينا ياهي اقدم؟!
ودزلك نسر كلبي وبلكي يلجح غيم
يتعدة الشمس وايعود لي امفحم
واحط حفنة اشواكي ابحلك رحّى اتدور
يصهرنها صهر واحجار تتهشم
مكص هجران شخصك وآنا كلبي قماش
وجف جاهل زماني ابكلبي يتعلم
نخلة امن العطش يبّست صارسنين
واتحلّم يجي ويهزني جف مريم
وافز امن الحلم والكاها طبرة فاس!
اذا متعود هسة المغرب اتجيّم
صورة ارسمت روحي ابمملكة الاحزان
ما اشرح واعيد الصورة تتكلم
دخيل الله اشبعد؟ خلّصن سبع سنين
تاريخ النفاذ لغيبتك قد تم
سنابل يابسات وخلصن الحبّات
ومخازن جفن عيني فرغت امن الدم
نسيت اسمك مزن لو ادري ما حلمان
تعال امطر ..بعد والكعبة ما أحلم
لو ادري الحلم تفسيره راح اتغيب
جا ما نمت ساعة ولا جفن سلهم
ولك صبري انصلب وابراسة ياكل طير
وعصرة خمر روحي انعصرت امن الهم
وقحط طكهن جروحي ابعرض قحط النيل
بحبال ومرادي اخياط ماتلتم
وشيلمهن افراحي المثل صفط اوراق؟
وعواصف حزن جتهن شايلات اخيم
سمان احلامي جانت سارحة ابطرواك
وعجاف اسنين هجرك بالسمن تلهم
تل هم صار خدي وكعدن الحسبات
عالتل بنتظارك شيبهن خضرم
تعال امسح جمر بعيون مبيضّات
لدّور دمع ماضل دمع يفهم
واصفن عالدرب كل صفنة عمر آمون
وصفنة اتكل لختهة البينا ياهي اقدم؟!
ودزلك نسر كلبي وبلكي يلجح غيم
يتعدة الشمس وايعود لي امفحم
واحط حفنة اشواكي ابحلك رحّى اتدور
يصهرنها صهر واحجار تتهشم
مكص هجران شخصك وآنا كلبي قماش
وجف جاهل زماني ابكلبي يتعلم
نخلة امن العطش يبّست صارسنين
واتحلّم يجي ويهزني جف مريم
وافز امن الحلم والكاها طبرة فاس!
اذا متعود هسة المغرب اتجيّم
صورة ارسمت روحي ابمملكة الاحزان
ما اشرح واعيد الصورة تتكلم
