مساجلة ابو ذيه

[رمااد اانسان]

مساجلة ابوذية
بين شعراء سوق الشـــــــــيوخ كان
على كل شاعر ان يصف نفسه
بجكارة فكتبوا
شهيد الشميساوي
يكول
زماني همــــــوم جمه ورثاني
وجروحــــي رداف واحد ورثاني
جكارة بحـــــــلك وكتي ورثاني
واضن بس نفس واحد ضال بيه
حيدر الشميساوي
كال
مثل ما وكتـي ضل وياي ضل بيك
لاجن كمت احسدك لان ضل بيك
زين انته جــــكاره ونفس ضل بيك
كطف واهل السجن داروا عليه
صلاح اللامي
جاوبهم
.
شكثر شوغات من وكتي تلفني
جكارة بتــــــــتن وجفوفه تلفني
كطف ضليـــت من خلص تلفني
بشارع واليفوت يدوس بيه
موحان عوده رد عليهم
يكول
ذبت بجفوف وكتي من يذبني
ولا واحد شكفني من يذبني
جكارة بحلك مدمن من يذبني
بنفس واحد وصل لجعب بيه
بشير الغالبي
كال
روحي الوكــــت والهم ورثاها
ولا صح اليواســـــــــي ورثاها
انه روحـــــــــــي جكاره ورثاها
فاهي من الكطف حط نار بيه
حسن الشميساوي رد خوش رد
ختم المساجله بي
يكول .
روحي القـــــــهر والهم ورثلها
اجره بحــــــــــزن ينعى ورثلها
جكارة الروح صـــــــارت ورثلها
طفل من كل كتر حط نار بيه ..

 

[صوُتْ آنثوّيْ]

رد: مساجلة ابو ذيه

سلمت يديك ع عطائك..
مانحرم منك يارب..

 

[رمااد اانسان]

رد: مساجلة ابو ذيه

[mention=67840]صوُتْ آنثوّيْ[/mention]

نورتي ياانيقة الطلة
حضورك اسعدني
ارق تحية بعبق الورد

 

[قيصر الحب]

رد: مساجلة ابو ذيه

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[رمااد اانسان]

رد: مساجلة ابو ذيه

نورت اخي قيصر يسلموو على التواصل