مساجله شعريه متنوعة

[راما الحديثي]

رد: مساجله شعريه متنوعة

جرح للبيع عندي ورايد ألشراي ...
وأسومن بالرخص بس كون أبيعنه ...
لأن هذا ألجرح تعبني حيل أهواي ...
يرجع ينفتح كل ما أروفنه ...
سألته وگلت ليش أتعذب ألحال ؟...
يضحك من سؤالي من أسألنه ...

 

[راما الحديثي]

رد: مساجله شعريه متنوعة

جرح للبيع عندي ورايد ألشراي ...
وأسومن بالرخص بس كون أبيعنه ...
لأن هذا ألجرح تعبني حيل أهواي ...
يرجع ينفتح كل ما أروفنه ...
سألته وگلت ليش أتعذب ألحال ؟...
يضحك من سؤالي من أسألنه ...

 

[علي هادي موسى]

رد: مساجله شعريه متنوعة

تعال اكعد اريد اتباصر وياك
احجيلي الصدكَـ وخل نكشف المسنور
من كَلبك تحبني لو بس حجي لسان
بس كَول الصراحه ولا تلف وادور

 

[آهاات حالمة]

رد: مساجله شعريه متنوعة

نسمة هوا انت شمدريني راح اهواك
گلت مثل مثل الهوا و ما ادرري .. شميتك

من ذاك الوكت ما غبت عن البال
الگلب بسمك تسجل و انحسب بيتك​

 

[علي هادي موسى]

رد: مساجله شعريه متنوعة

مثل دمع الفرح بسكوت من ينزل
ومثل رجفة شفايف خجل محتامات
هيج آنه اصيرن من اكون وياك
يسكت كل كلامي وتنطق البوسات

 

[المشتاق]

رد: مساجله شعريه متنوعة

البوسآآت يردن الروح للميت إبگبــــره
بعد ماهجرك خله أیآمــــــــه تصیرغبره
لآكن المیت رجع مِن البوسآت مِن گبره
لتتعجب إذا گلنه البوسآت أثـــرها يَسره

خربشة قلم
المشتآآآآآآآآآآآآآآآآآق​

 

[علي هادي موسى]

رد: مساجله شعريه متنوعة

انتهينه ...
وضاعت الاحلام كلها وتيهينه
ومادرينه ...
واحنه نمشي ويا الجرف تتفاركَـ ادينه
والتهينه ...
نزعل ونرضه بلا سبب وتفاركَينه
ليش ضيعنه العشكَـ وبلحظة جنون
وماعرفنه شلون نتراضه بعد متعاتبينه

 

[العـ عقيل ـراقي]

رد: مساجله شعريه متنوعة

يعني من تشهك الصفصافة بلوح جيدك
أحط روحي نفس لكل البسملات
وتردد ياسين والذاريات
والم نشرح والضحى
يا اخت هارون
وخلصت بيج الترتيلات
مين ما امر بيك الكه عنبر
الكه صبح غركان بيه والتلاوة مفرعة
والكه غرنوكين يغنن لاخر ليل
ويموت بيه الليل
وانه لاهي بيك وادعيلك بالصلوات
بيه واهس لو جيت ،
بكل اسنين عمر اخضر ياس
واشتلك بروح من الطيب زهرات..

عقيل العراقي

 

[علي هادي موسى]

رد: مساجله شعريه متنوعة

حلو لون الخجل من يزهي بخدودك
واحب من ترتجف ايديك وشفافك
بعيونك بحر وامواج واسرار
يالــ كلك حلو احتاريت باوصافك

 

[رمااد اانسان]

رد: مساجله شعريه متنوعة

طشرنه الوكت اوباك احلى ايام
دنيا اشماحلت بفراكم مره