مساجله شعريه متنوعة

[عاشق الصمت]

رد: مساجله شعريه متنوعة

تلاگيني ..مسافة ذاااك
اگوم اشمرلك اذراعين للملگـة
اجيس احرورتك
وبروحي صم اشآه..
أغوّر بيك كل ابرودتي الزرگة
أهي لو عالشطارة ادريك
توصلني گبل رجليك..!
تسبگني ... وتحط بمتوني الف شبگة

 

[آهاات حالمة]

رد: مساجله شعريه متنوعة

حبك سكن بالروح ما منه رجعه ....
سيف ونبت بحشاي واشلون اشلعه

 

[آهاات حالمة]

رد: مساجله شعريه متنوعة

الناس تخاف ماتحمل هويات
الهوية بجيبهم صارت منية
ذبوها المنية وطلعوا الناس
لگوهم جثث مجهولة الهوية

 

[رمااد اانسان]

رد: مساجله شعريه متنوعة

هيه روح وراحت بحظن الغريب
والخذاهه مايحس بجروحي
ربي مو عندك ملك ياخذ أرواح
شلون ترضى انسان ياخذ روحي..

 

[آهاات حالمة]

رد: مساجله شعريه متنوعة

عجيبه شلون اشوفك وانت ماموجود
شلون وياك اكعد وانــت مــو يمــــــي
اذا ويـــاك احجــي مخبــل يكولــــــون
واذا لحظات اغفـــــه تزورني بحلمــي
رحت حللت مره وكلت بلكي انســاك
... ... واتعالج واريـــح النـــاس مـــن همـــي
لكو بالدم عجيبه وشافو اسمك بيــــه
عرفت السر.........لكيتك ناكع بدمــي..!

 

[مخملية]

رد: مساجله شعريه متنوعة

شو محد أجاني ودك عليه الباب
ولاكلمه شلونك جتني من يمهم
شلون الكعدة تكمل وآنه ماموجود
معقوله الاحبهم صرت ماهمهم
يادنيا نسوني ونسوا ذاك الطيب
ولاجني هذاك الجان يحضنهم
لو بالزاد أغصن والله أعوف الزاد
أكولن ربعي يمكن لكمه ماعدهم

 

[مخملية]

رد: مساجله شعريه متنوعة

من تمشي أشوفك ملك
بآلليل وجهك گمر
والصبح وجهك شمس
يلـ بيك كلشي حلـو
مرات من تبتسم
أتمنه من ضحكتك
أترس جفوفي ترس

 

[عاشق الصمت]

رد: مساجله شعريه متنوعة

سولفلي بعد محتاجك هواي
محتاجك بكَد مافاركتني
رحت جم يوم عني تعرف شصار؟
عشر سنين يمكن كبرتني

منقووول

 

[رمااد اانسان]

رد: مساجله شعريه متنوعة

الناكع لا تحسبه كالشريته
شمس وشره وصلك كالشريته
وانت وياي مثل الماي
زيبك والجفن تجاي
دمعه تروح دمعه تنوح
حيرة نوح حاير وانت مالك راي
احلفك لا تعطش الماي
احلفك لا تشمت اعداي
احلفك لون نابك كشريته
اكلني اهون ولا تضحك عليه

راق لي

 

[مخملية]

رد: مساجله شعريه متنوعة

زعلان ؟ليش الزعل
زعلان انه اعتذر
بس ارجع لخاطري صير على نحري عطر
صير على جفني كحل حليني بين السمر
تعبني ذرف الدمع بس ماطفالي الجمر
بركان في داخلي وياخوفي لاينفجر
شمأخرك ماتجي ماظل الك كل عذر