مساجله شعريه متنوعة

[مخملية]

رد: مساجله شعريه متنوعة

اجانه العيد كوم تحضر بســــــــــــاع
بوسات وحضن منك اريد انــــــــــي
ورايدلي نفس منك اجره حــــــــيل
تخليني اختنك تنــــــخبط الـــــواني
عايدني على بختك كلي احبك موت
وسمعني شعر بس غزل وجدانــي
يعيد الخير انت وانتــــــــــه الهـــلال
تعال الحك علينه كلي شــــــمتاني

 

[مخملية]

رد: مساجله شعريه متنوعة

بعظمته العيد اجاني وانته ما مريت
يالبادي بزعل واني بصلح بــــــادي
سويهه وتعال لخاطر العـــبـــــــاس
عيد الله ولك مو عيد مــيــــــــلادي

 

[مخملية]

رد: مساجله شعريه متنوعة

أبد مو ذيب طبعي.... ولاني غدار
ولا مثل الثعالب.... طبعي البوگ
صگر آنه... وعلى الغيمات أندار
وأظل بالعليا عايش دوم ليفوگ
رغم عوزي وحنگتي وكل الاضرار
أبد مابين من...... العوز مخنوك
أظل بخير أگولن...... وأكرم الجار
وأنه تعبان حالي وسحگ مسحوگ
أذا صاحب ....نخاني بساعة النار
گبل ما يحترگ... يلگاني محروگ
أحب الناس طبعي... طبع الازغار
واسامح من يكون الغير محگوگ
أبد لا تحسبلها..... وتظل محتار
الدنيه وداعتك ما تسوه مسحوگ
أصبر ع الحزن مهما الزمن جار
تعدا ما تعدا..... الفرح ملحوگ
أسدن مسمعي...... للينقل أخبار
وافتح باب گلبي.. لليجي بشوگ
حبيبي إلي نساني بگلبي أله دار
لغيره ما أظن ...تنسكن وتلوگ

 

[مخملية]

رد: مساجله شعريه متنوعة

شكد ما تظل غايب راح اتانيــــــك
وعلى جمرة غيابك خل اعــــــاني
شكد ظلت زليخه اتاني يوزرسيف
واني بكد زلـــيـــــخــه راح اتانـي

 

[مخملية]

رد: مساجله شعريه متنوعة

الباعوك برخص .. وك تشتريهم ليش؟
عمت عينك يگلبي التعشك الذلـــــــه
هذوله اللي بلاهم انتـــــه متعــيــــش
خلوا بيك اكثر مـــن الـــــــف عـــلــــــة
ما يسوون صدك حـــــــــتـــــى العتاب
تره الناقص وفه ... متگلي شنـــــگله؟؟

 

[مخملية]

رد: مساجله شعريه متنوعة

يلوموني اعله طبعي القاسي مرات
غشــمــة ومـا درو حقهم بــهايــــــة
غشــمة ومـادرو طبعي انـــــه مـحـار
فـرق مــابيـن شكـلي ومـحــــتـوايــة
ويلوموني اعلة طبعي اتكبـر هـــواي
وانـة بـية التـواضـع شــي مـثــــالـي
عـالي ومــا عـليت بـعيـــنـهـم غـيـر
هـم زغـار ويـشوفـني عــــــالــــــــي

 

[مخملية]

رد: مساجله شعريه متنوعة

احسبلي حياتك بالــــعـــــراق شـــلـــــــون
عشر سنين نوم تـــــروح مـــــن عــمــــــرك
وخمس سنين بس بالسيـــطــــــرات تـــروح
وخمس سنين موت اصـحــــابـــك يـــقــهرك
وسنتين اعـــتــــقــــد احـــــلام يقظه تفوت
وسنتين النــــــــدم عالغـــــدروا بظـــــهـــرك
وخمس سنين نسمع نشـــــرة الاخـــــبـــار
وما تلكـــه خـــــبــــــر من عدهــن يســـرك
وعشر سنين حــــــرب واحـتـــلال وضــيــم
وبكومة مــــشــــاكل يـــنــتـــرس فــكـــرك
شكد عمرك وصل؟ اي احسب انت وشوف
وكلي شكد عشت مرتــاح مــــــــــن عمرك

 

[مخملية]

رد: مساجله شعريه متنوعة

كون ايصير كلشي بعمري بلمگلوب
وارضه بكل شي يطلع عن أصوله
كون أول حياتي الكبر والشـيــــب
وآخر لحظة من عمري الطفــــولة

 

[مخملية]

رد: مساجله شعريه متنوعة

راح احبك من طرف واحد نويت
حتى اني وياك ميمرنه الزعل
وحتى باجر لو رحت عني ومشيت
ما يسالوني واكللهم رحل
وحدي بيني وبيني قصة حب اعيش
ما اكلك خاف يمنعني الخجل
وخاف اكلك واكتشف عندك حبيب
ليش اجازف وانهي قصتنا بفشل
والله شو مرتاح احس خليني هيج
ما تجيني جروح منك عاالاقل
وحتى بالفركه شخص واحد يموت
هوه نفسه الجان عايش عالامل

 

[مخملية]

رد: مساجله شعريه متنوعة

اذا برموشه شايل كومـــــــــة سيوف
ياكلب اليشيل اصواب طعناتــــــــــــــه
يمكن بالبشر مــــــــــــــاشفت مخلوق
واحد بالارض يضحك بضحكاتــــــــــــــه
نغم موسيقى يضحك جنهــــــه قانون
بت هوفن تراهــــــــــــه اتصير سكتاته