مشاية الحسين

[مناضل الناصر]

مشاية الحسين
...........................................

جيتك معتني يلي وفيت وياي

جدم ينكَل جدم والناس مشايه

جيتك معتني والدمع يذرف ليك

اوسيفي بالجتف ومعلكَ الرايه

ماعندي غرض ماخذني بس الشوك

ولاحامل مقاصد لاشلت غــايه

غرامي دولباني بيك يابو الزود

افوجن بحر حبك واردس بمايه

عشتك من زغر وانه ابن 5 سنين

أطبر وانتحب والعــين بجـــــــايه

جيتك معتني و مــــاريد مدة أيد

أريدنه الضريح محاضن ويايه

انه مرتجي وارجوك ترضه بهاي

أتغسلني بدماك ذنوبي هــــــوايه

سويـت الذنوب جبال فوكَ جبال

حمل محملي وسواهه الف ثايه

اي يبن الزجيه شلون صارالراي

راضي عن مناضل ماكو كل سايه

لوجيب السبع واتعنه عد رجليك

وابجي بكل غضب يم المسنايه

أنده جفه الايمن والزم الشباج

يـــا كافل الحره معتني أعنايه

احسك من تشوفه مكطع الجفين

تطكَ روحك دمع وتكوم هلايه

هلا ابن امي عفيت لخاطر الجفين

احس سهمك جزه وبعيوني سلايه

ونيت بفرح ودموعي صبت شوك

يهذا المرتجى وحصلت كل غايه​

 

[شاهيـــن]

رد: مشاية الحسين

طيب الله أنفاسك ورزقك شفاعة سيد الشهداء عليه السلام وجده المصطفى وأبيه المرتضى وأمه الزهراء عليهم السلام
وتقبل منك بقبوله الحسن الجميل وجعل لك بكل حرف مقاما
في الجنة .. موفق دائما بإذن الله تعالى ​

 

[فتنةة العصر]

رد: مشاية الحسين

حاجات مقضية بجاه الحسين عليه السلام

حرم الله على يمناك النار بجاه الحسين
ومشاية الحسين

تستاهل اجمل تقييم واعجاب

 

[عناق الأرواح]

رد: مشاية الحسين

مأجور اخي
كلمات رائعة
وتحشر مع الحسين واصحابة

 

[عناق الأرواح]

رد: مشاية الحسين

مأجور اخي
كلمات رائعة
وتحشر مع الحسين واصحابة

 

[الـ لُجين]

رد: مشاية الحسين

عاشت ايدك وسلمت الانامل الذوووق ياترف
احساس ولا اروع
قصيدة جميله جميله جميله جداااااا
بووووووووركت

 

[رمااد اانسان]

رد: مشاية الحسين

بوركت استاذ مناضل جراك الله خيراً قصيدة ثريه

 

[جبروت أنثى]

رد: مشاية الحسين

مأجور وجزاك الله كل خير
قصيدة جميله ومفردات اجمل
تحياتي

 

[غمزة]

رد: مشاية الحسين

اسطر ثرية الجمال
جزاك الله جنة عرضها السموات والارض
تحياتي وتقديري

 

[سعد العراقي راقي]

رد: مشاية الحسين

احسنت
طيب الله انفاسك