مشتاگلها ... مكتوبة
مشتاگلها وادري بروحي ماصيرلها
بس أتقدم عالموت أكثر كل ما واحد يتقدملها
تالي انزفت والليله الاولى بأولها
من زفوها گبالي أغني
شايف خير وما اكملها
صح هوه الي شايف خير
بس اني الچنت استاهلها
واگعد اني وأمي نسولف
يايمه إنتي مو عمتها
عمتها الترستها گلايد وتبدل لو رادت ظلها
وأنتي القنينه الجواچ گدما هزيتيها نامت
خاطر منروح نبدلها
رايد انخة الي ماخذها لمن طلعها البيت
يگدر من راسي يطلعها
سويتلها كلشي اتخيل
سويتلها وماسوتلي
زوجتك نفسي گالتله
وانة شلونك ما گالتلي
ماتدرون شسوت بيه
من رخصتكم خلوني احچي وياها شوية
غيروا گلبچ غيروا رسمچ
من گلتيلي شلونچ مرة الله يسلمچ لو ماگايل
ماچنت اتوقع للغربة الله يسلمچ
ظلت يمي وظلت يمچ
ظلت يمي كل ضحكاتچ وتردين ومتردين
اي يبنيه اي يالعشتي ويا وبية
اتهدد وانساچ واحلف
كل ذكرة اشگهن بيديه
والزمهن وتَصعد همتي من الحنية
والصورة البيها انة وياچ
يومية احرگ منها شوية شوية
محمد سعيد الطائي
مشتاگلها وادري بروحي ماصيرلها
بس أتقدم عالموت أكثر كل ما واحد يتقدملها
تالي انزفت والليله الاولى بأولها
من زفوها گبالي أغني
شايف خير وما اكملها
صح هوه الي شايف خير
بس اني الچنت استاهلها
واگعد اني وأمي نسولف
يايمه إنتي مو عمتها
عمتها الترستها گلايد وتبدل لو رادت ظلها
وأنتي القنينه الجواچ گدما هزيتيها نامت
خاطر منروح نبدلها
رايد انخة الي ماخذها لمن طلعها البيت
يگدر من راسي يطلعها
سويتلها كلشي اتخيل
سويتلها وماسوتلي
زوجتك نفسي گالتله
وانة شلونك ما گالتلي
ماتدرون شسوت بيه
من رخصتكم خلوني احچي وياها شوية
غيروا گلبچ غيروا رسمچ
من گلتيلي شلونچ مرة الله يسلمچ لو ماگايل
ماچنت اتوقع للغربة الله يسلمچ
ظلت يمي وظلت يمچ
ظلت يمي كل ضحكاتچ وتردين ومتردين
اي يبنيه اي يالعشتي ويا وبية
اتهدد وانساچ واحلف
كل ذكرة اشگهن بيديه
والزمهن وتَصعد همتي من الحنية
والصورة البيها انة وياچ
يومية احرگ منها شوية شوية
محمد سعيد الطائي
