قصيدة على رويسات اصابيعي
إﺟﻴﺘﻚ ﻭ اﻟﺴَّﻠﻒ ﻧﺎﻳﻢ
ﻋﻠﻰ ﺭﻭﻳﺴﺎﺕ أﺻﺎﺑﻴﻌﻲ
ﺳﺮﻳﺮﻙ ﺩﺧّﻦ ﺑﺮﻭﺣﻪ
إﻧﻔﻀﺤﻨﻪ ﺑﺮﻳﺤﺔ اﻟﻌﻄّﺎﺏ ﻭ اﻟﻌﻨﺒﺮ
ﺩﺧﻴﻠﻚ ﻫﻮِّﺩْ اﻟﻨﻴﺮﺍﻥ ﻳﺎ ﻣﺨﻠﻮﮒ
ﺻﺎﺣﻮ ﻧﺎﺭ ..
ﮔﺎﻟﻮ ﺣﭽﻲ ﻣﺎ ﻳﻨﻠﺒﺲ فوگه إﻋﮕﺎﻝ
كل الصّار ...
ﺩﺧّﺎﻧﻪ زغيره غيّمت ﻣﻦ ﺟﺎﺳﻨﻲ ﺣﺰﺍﻣﻚ
ﻟﮕﻮ ﺣﺘﯽ اﻟﻌﺸﺐ ﻣﺤﺮﻭﮒ
ﻣﺎ ﻋﺪﻫﻢ ﺷﻐﻞ ﻫﺎﻟﻨﺎﺱ
ﮔﺎﻟﻮ ﺷﺎﻓﻮ اﻟﺒﻮﺳﺎﺕ ﺑﺎلمگلوب
ﺣﻠﻔﻮ ﺑﺎﻟﺨﻀﺮ ﺑﺎﻟﺜﻮﺏ ﺷﮓ إﺟﺪﯾﺪ
ﭼﺬﺍﺑﯿﻦ ...
ﻣﻦ إﺳﻨﯿﻦ ﺛﻮﺑﻲ ﻣﻦ اﻟﻨﻬﺪ ﻣﺸﮕﻮﮒ ...
ماطول الحجي الماصخ
يظل ماصخ
عليش نبوس بالمفرد
خلّينه نتباوس سله من مشمش
و اذا كلش توازينه فواكه بوس بالصندوگ
اگلك هاك اخذ ...
الگاك فوك الهاك انت تبوگ
تفاحي ... شعليها الناس
تفاحي ... و گلتلك ضوگ
تركتك و السّلف گايم
يلم زرار زيجي
و العشيره تصيح
يا جيران ابنكم طير الغرنوگ
