((معازيبك نخل))

[آهاات حالمة]

((معازيبك نخل))




لتصدگ ابكلمن گال مختلفين
گله اتوهمت ياضيق منضورك
ولتمسه يجيك ابيوم من رمضان
راح ابنفسه يعرف لمن ايزورك
فطورك تمر بصره اولبن من اربيل
ادليمية رمادي اوسمج من هورك
ساعتهه يدنگ يخجل ايحاجيك
يلگه الوحده حتى ابسفرة افطورك
اولانك طيف شمسي اوبيك احلى الوان
اليكرهك شي طبيعي ايغار من نورك
اجت غيمه قصدهه تستفز اضواك
لامن مستواك اولاهي من دورك
مرت فوگ دجله اوشافهه الناعور
شلعهه امنلسمه اوغططهه ناعورك
يظل صبرك جميل اشما زمانك جار
يبو طور الحزين اشگد حلو طورك
غيرك لو حظر ماينحسبله احساب
ونته ابلا حضور امسجل احضورك
عراقي اوطبع عدك تهدم التنور
اذا ميضوگ جارك خبز تنورك
وذا جاعت الدنيه اتدگ عليك الباب
حاتم تذبحلهه احصانك اوثورك
اوتشعل نفط گاعك تطبخ المقسوم
معازيبك نخل ونهارك اجدورك
زورك بيه وفه اوطيب اوبيادر خير
بفياي العوافي اينوم اطيورك
اوتصعد غيرته اوماريضه ختله ايصير
بس يشتم ثعالب ينتفض زورك
يسمونك عراقي لان بيك اعراق
واقوام اوطوائف تشبه ازهورك
اويسمونك عراقي امنلعراقه البيك
لان اصل الكتابه الزود طبشورك
كفاك امنلفخر ياغرة الاوطان
حظارات الدول تحلف ابآشورك
حظارات الدول تحلف اباشورك
​

 

[MS.Shaghaf]

رد: ((معازيبك نخل))

راقت لي كلماتك من أول عنقود لآخره



دمتي في حمى الرحمن



تقبلي وافر أحتراماتي

 

[قيصر الحب]

رد: ((معازيبك نخل))

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[كيان الم]

رد: ((معازيبك نخل))

مااجمل ماتحمله من احساس
كلمات تخترق القلب بصدقها
وتسلب من العيون كامل اعجابها
سلمت يمينك ياالق
يعطيك العافيه
لروحك السعادة
تحيتي