قلم مميز مـرايا

[مـصطفى]

رد: معبد الجسد

هلي وسيّرتوا عليه بوحشتي حجاية بريد وبيت نايل
مثل المصوّب الاهله مايدارونه
كلما يطيب الجرح عمداً يلجمونه
واشتهيتوني اكتبلكم عن وفا البردي
وحنين الناي ودموع السنابل
وعن العيون التلم الليل دمعة
وتعتلك وكت الوفا شموع ومشاعل

 

[مـصطفى]

رد: معبد الجسد

وعن الكلوب التموت بلااسم وبلاية راية
وعن شمس طلكت باسمها وعسّرت باول قضية
وغربتي وصوت النواعي يلوحني ويلتم باديّة
الصوت بي ريحة عيوني
وبي هلي ووحشة مسية
هلي يامن ضيّعوني

 

[مـصطفى]

رد: معبد الجسد

وكحة النفس ماتفعل تلين
منبت حزن ومخالف سنين
الليل لو سدّ الروازين
شمسين حمرة يخضّر الطين
هلي يامن ....وهي هي
العين من تكضي السوالف هي هي
الكاع من تجفي وتوالف هي هي

 

[مـصطفى]

رد: معبد الجسد

هلي وليلة حضنتنا بتعبنا بخوفنا بيوت العشيرة
وجان اول بيت ضحكة
وجان ثالث بيت رجفة
وجان سابع بيت عين
وجان دخان المواكد جلمة مروّة وهلا ونغطة جنين
وصوّغتنا عيونهم طابك دنان ولبن شجوة
وجلمة مكطوعة نفس طول السنين

 

[مـصطفى]

رد: معبد الجسد

وعين عين
انشدّت بتالي الطوارف عين عين
وعين عين
بلهفة تنشد عالسوالف عين عين
وعين لفّتنا بحزنها وزوّكت وجه الجرح
وعين هزّتنا ونختنا يغزر ويانه الملح
وعين نشدتنا : من اجيتوا , ما عثر بيكم صبح ؟

 

[مـصطفى]

رد: معبد الجسد

هلي وزتتنا الضماير والصفاير والخناجر والدفو الغطّا الجفوف
وجانت الهلهولة خرسة تضيع بالشفا وتطوف
الكاع من يكبر كلبها يشب عشبها
وتوصل حجاياتها لتالي الجروف
هلي وشرّعني هواكم باب للخطوة الغريبة
وخايرتني عيونكم :ذل ؟ لو جتل؟
وانه والموت التحمنا بمايكم ساك وحجل

 

[مـصطفى]

رد: معبد الجسد

هلي وزتتنا الضماير والصفاير والخناجر والدفو الغطّا الجفوف
وجانت الهلهولة خرسة تضيع بالشفا وتطوف
الكاع من يكبر كلبها يشب عشبها
وتوصل حجاياتها لتالي الجروف
هلي وشرّعني هواكم باب للخطوة الغريبة
وخايرتني عيونكم :ذل ؟ لو جتل؟
وانه والموت التحمنا بمايكم ساك وحجل

 

[مـصطفى]

رد: معبد الجسد

الروح شاخص والعمر بركة كمر والموت ظل
ويه من كلبي رصاصة
وويه كل لهبة اصرخ بدمي اشتعل
الدنيا من يشح ضواها الدم بكل حيله يهل
هلي وآخر مكاتيبي كتبته الكم على الكاع
ابنكم باعته الدنيا ولا باع

 

[مـصطفى]

رد: معبد الجسد

https://www.youtube.com/watch?v=CcrHSbfAxkA&t=147s

 

[مـصطفى]

رد: معبد الجسد

[mention=61409]ذوق[/mention]
شكراً للتواجد الجميل . انرتِ المعبد جداً