مساء الخير اخوتي واخواتي الاعزاء
مساء معطر برضا وغفران وعفو من الرحمن وتُنيره حروف القرآن
اقدم لحضراتكم كلماتي المتواضعه بمقتطفات بسيطه
يارب تنال اعجابكم
بيه خنگه تخلي هالعالم ظلام
وبيه صرخه تگطع جناح الحمام
وبيه اه ..
وبيه وجعه..
تگطع خيوط الشمس
وحزني خله بگلبي ونّه
بسجن اهاتي انحبس
وبيه هموم سوت عندي مخزن
وچم بيت
وعماره
ومشفى مابيها طبيب
وبيه حسرة تخلي بالورگات شيب
لشوكت ابقه انتظر
يوميه خنگه وچم جرح
ومره اذا اجاني دوه
يطلع شراب
وجم شريط
وبظهرهن الگه راچيتة شرح
اقره بيهن وابقه صافن
مدري ابچي مدري اضحك
من الگه تصنيع الدوه كله ملح
.
.
.
.
شرد اوصفك ..؟!
وانت قطعه من جنة عدن
شرد اوصفك ..؟!
وانت اذا لحظة تمر ..!
جروحي كلهن ينمحن
سحابك صيف گبلك ..
جنت اواسي جروح
وادلل بيهن انه وهنه مايشفن
لچن من عشگتك ..؟
صرت وردة عيد
ببستان العشگ اوراگي يتفتحن
وانثر بالفرح من اذكر اسمك يوم
ومن دون الورد اوراگي ينشمن
يالبعينك براءة كل طفل بالكون
الوليك بگلبي ..
وبيك اضل احضن
ويالبخدك خجل بگليبي خله الروح
لمن يمر اسمك ..
تصرخ تجنن
ويالبيك البياض يغطي كل الكون
وخيوط الشمس من شمسك اتغطن
وصوتك ناي يعزف
وگلبي وياك هم يرجف
ونبضي البيك متچتف
مو بس قلبي وياك العقل يصفن
انه اعتذر يا گلبي
وابقه استغفر لربي
وادري بهذا هم ذنبي
شوصف بيك وصفاتك چذب ينعدن
.
.
.
.
اريد اصرخ واشگ صدري
واشمر گلبي لأي محتاج ..!
واذا ما يرهم الموضوع
اخلي ع الدرب واكتب ضحيه عليه
بلچن عليه تمر قافلة حجاج
ماريدن گلب بي الهموم اشكال
ولا ريدن گلب بي فوگ الالف علّه
بيه خنگه
مثل ثچلة وتصرخ بنص المگابر
انا وليدي ما ملّه
مثل عاشگ ولابس قاط چن عرسه
بس غيره الي اخذ خلّه
وبيه اه ومن اصيحن
الگاع هم تصم اذنها
وبيه وجعه بوسط گلبي
مثل عين وامنيتها .؟؟
تغفه سـآعه .!
وما تگدر تغمض جفنها ..!
.
.
.
.
ارد احضنك ..
حضنة مفارگ عشيره
مو فقط اهله وصحابه
ارد احضنك ..
حضنة المغدور
من اخوته ..!
چي طلعو ذيابه
ارد احضنك ..
مثل ورگه بعز خريف
وتمطر الغيمه عليها
وتركض تحاضن الگطره
ارد احضنك ..
مثل ثچله بنص مگابر
وتدعي الله يرد ابنها
وكون يطّول بعد عمره
ارد احضنك ..
وارد احضنك ..
بزمن بي اللمسه للعشاگ
معناها فساد
ارد احضنك ..
بس خايف تغار الشمس
مني عليك
وتصبح الدنيا سواد
بـقلـمـي : عـلاء كـريـم
احترامي
مساء معطر برضا وغفران وعفو من الرحمن وتُنيره حروف القرآن
اقدم لحضراتكم كلماتي المتواضعه بمقتطفات بسيطه
يارب تنال اعجابكم
بيه خنگه تخلي هالعالم ظلام
وبيه صرخه تگطع جناح الحمام
وبيه اه ..
وبيه وجعه..
تگطع خيوط الشمس
وحزني خله بگلبي ونّه
بسجن اهاتي انحبس
وبيه هموم سوت عندي مخزن
وچم بيت
وعماره
ومشفى مابيها طبيب
وبيه حسرة تخلي بالورگات شيب
لشوكت ابقه انتظر
يوميه خنگه وچم جرح
ومره اذا اجاني دوه
يطلع شراب
وجم شريط
وبظهرهن الگه راچيتة شرح
اقره بيهن وابقه صافن
مدري ابچي مدري اضحك
من الگه تصنيع الدوه كله ملح
.
.
.
.
شرد اوصفك ..؟!
وانت قطعه من جنة عدن
شرد اوصفك ..؟!
وانت اذا لحظة تمر ..!
جروحي كلهن ينمحن
سحابك صيف گبلك ..
جنت اواسي جروح
وادلل بيهن انه وهنه مايشفن
لچن من عشگتك ..؟
صرت وردة عيد
ببستان العشگ اوراگي يتفتحن
وانثر بالفرح من اذكر اسمك يوم
ومن دون الورد اوراگي ينشمن
يالبعينك براءة كل طفل بالكون
الوليك بگلبي ..
وبيك اضل احضن
ويالبخدك خجل بگليبي خله الروح
لمن يمر اسمك ..
تصرخ تجنن
ويالبيك البياض يغطي كل الكون
وخيوط الشمس من شمسك اتغطن
وصوتك ناي يعزف
وگلبي وياك هم يرجف
ونبضي البيك متچتف
مو بس قلبي وياك العقل يصفن
انه اعتذر يا گلبي
وابقه استغفر لربي
وادري بهذا هم ذنبي
شوصف بيك وصفاتك چذب ينعدن
.
.
.
.
اريد اصرخ واشگ صدري
واشمر گلبي لأي محتاج ..!
واذا ما يرهم الموضوع
اخلي ع الدرب واكتب ضحيه عليه
بلچن عليه تمر قافلة حجاج
ماريدن گلب بي الهموم اشكال
ولا ريدن گلب بي فوگ الالف علّه
بيه خنگه
مثل ثچلة وتصرخ بنص المگابر
انا وليدي ما ملّه
مثل عاشگ ولابس قاط چن عرسه
بس غيره الي اخذ خلّه
وبيه اه ومن اصيحن
الگاع هم تصم اذنها
وبيه وجعه بوسط گلبي
مثل عين وامنيتها .؟؟
تغفه سـآعه .!
وما تگدر تغمض جفنها ..!
.
.
.
.
ارد احضنك ..
حضنة مفارگ عشيره
مو فقط اهله وصحابه
ارد احضنك ..
حضنة المغدور
من اخوته ..!
چي طلعو ذيابه
ارد احضنك ..
مثل ورگه بعز خريف
وتمطر الغيمه عليها
وتركض تحاضن الگطره
ارد احضنك ..
مثل ثچله بنص مگابر
وتدعي الله يرد ابنها
وكون يطّول بعد عمره
ارد احضنك ..
وارد احضنك ..
بزمن بي اللمسه للعشاگ
معناها فساد
ارد احضنك ..
بس خايف تغار الشمس
مني عليك
وتصبح الدنيا سواد
بـقلـمـي : عـلاء كـريـم
احترامي
